Copps 94.1 - Kosmos Radio 94.1 FM

Copps 94.1

Die Copps 94.1 span kry elke Vrydagaand met wydlopende aspekte van misdaad en motorongelukke te doen. Dankie aan die Copps 94.1 span van Kosmos 94.1, en die Windhoekse stadspolisie wat die hoofstad elke Vrydagaand ‘n veiliger plek vir almal maak.

Met trots aan jou gebring deur...




'n Nuwe inbraak tendens het posgevat aan die kus met talle huise wat deurloop. Ons gesels volgende met die Voorsitter van die Swakopmundse buurtwag, Dewald Swarts.


In Copps 94.1 kyk ons na die skok syfers van kinder verkragtings. Die afgelope twee weke alleen is 30 kinder verkragtings aangemeld met baie van die kinders onder 10 jarige ouderdom. In baie van hierdie gevalle het die kinders die verkragters geken of is dit 'n familie lid. In een voorval is 'n 26 jarige man aangekeer nadat hy sy 14 jarige suster verkrag het en sy swanger geword het. Ons gesels met Dalene Gous van die Phoenix Psychology Practice.


Die afgelope tyd wil dit voorkom asof daar net nie 'n afname aan verkragtings is nie, met veral kinders wat deur dit geraak word. JP Nel het met Dr Shaun Whittaker, 'n Kliniese Sielkundige van Windhoek oor verkragtings gesels.


Copps 94.1 het gesels met Konstabel Fabian Amukwulele van die Windhoekse Stadspolisie oor die probleme in en rondom die hoofstad die afgelope week. Ons kyk hier veral na inbrake, geslags gebaseerde geweld en ook ongelukke.




Van die grootste probleme in Namibië bly maar veediefstal val alle aarde op hierdie stadium. Copps 94.1 het vanaand die voorreg om te gesels met Jurgen Mattaei, die Streeks Ko-ordineerder van Reserviste in die Omaheke Streek.





Die afgelope paar maande is daar persone besig met een baie groot bedrogspul onder die boere. Tot dusver het 'n hele paar boere al deurgeloop onder 'n sekere 'Samuel Nujoma' wat se hy is van die Ministerie van Grondhervorming. JP Nel het met Erika von Gierszewski, die persoonlike assistent van die President van die Namibiese Landbou Unie gesels oor die probleem.





Die afgelope tyd is 10 mense tussend die ouderdomme van 16 en 33 jaar vasgetrek inverband met onwettige jag en die besit van wildsvleis sonder 'n permit. Ons gesels met Alexander Steyn, die Voorsitter van die Omaruru Distrik Wag.



Dit bly altyd 'n moeilike werk vir die polisie wanneer dit kom by onwettige drink plekke en die afgelope week is daar 'n hele paar suksesvolle klopjagte uitgevoer in Walvisbaai. Ons gesels met Hoof Inspekteur Charles Richard Goagoseb van die Walvisbaai se Polisie.


Inwoners van Swakopmund is redelik geskok nadat 'n 27 jarige vrou probeer het om haar pasgebore baba in die toilet af te spoel by die Swakopmundse Staats hospitaal. Die baba het gesterf asgevolg van die insident. Dit volg ook op nog 'n voorval waarby die liggaampie van 'n pasgebore baba seun gevind is by die Walvisbaaise asgate en kort voor dit was 'n 5 maande oue fetus ook gekry tussen rommel langs 'n kus pad. JP Nel van Kosmos 94.1 gesels met Catrien du Toit 'n maatskaplike werker van Huis Maerua Kinderhuis in die hoofstad oor die tendens.



Ons gesels hierdie week met Pionierspark Buurtwag om uit te vind wat hulle so sukseslvol maak wanneer dit kom by misdaadvoorkoming in hulle area. Odette de Kock, ondervoorsitter van die Pionierspark Buurtwag sluit by ons aan.



Asgevolg van die toename van ongelukke en sterftes op ons paaie die afgelope tyd het die Motor Ongelukke Fonds begin met 'n spesiale veldtog saam met die Stads Polisie. Ons gesels met Meneer Sydney Boois van die Motor Ongelukke Fonds.



Die afgelope tyd is daar redelik baie berig oor korrupsie in hoër range, nie net hier by ons nie maar ook in Suid Afrika. Daar is veral klem gelê op korrupsie binne die polisie se geledere in Suid Afrika. Jaco Vermeulen gesels volgende met Mike Bolhuis van Spesiale Ondersoeke in Suid Afrika.



Inbrake en diefstal in en by voertuie bly maar 'n probleem en ons gesels met Francois Dames van True Krav, 'n self verdedigings organisasie in Namibie, oor die situasie en wat jou te doen staan.



Met afloop van die Copps programme oor die jare het ons al gesien dat daar baie kere voertuie is wat nie gehoor gee aan 'n polisie konfooi nie . Ons het gesels met Onderhoof Adam Eiseb van die Windhoek se Stads Polisie.




Die afgelope week is 'n paar voorvalle by die polisie aangemeld waarby straatkinders 'n groot las was. Ons gesels met die Adjunkkommissaris van die Namibiese Polisie, Edwin Kanguatjivi.




Is dit wettig om goedere te koop by straatsmouse? Deon Louw het met Konstabel Fabian Amukwulele van die Windhoekse Stadspolisie gesels hieroor.

Deon Louw van Kosmos 94.1 het met Superintindent Charl Morkel van die Windhoekse Stads Polisie gepraat oor uitstaande boetes.

Ons kry nuwe terugvoer oor stropery in die Omaruru omgewing nadat daar 'n vreeslike toename was aan die tendens die afgelope tyd wat boere letterlik met hul hande in hul hare gelaat het. Alexander Steyn, die Voorsitter van die Omaruru Distriks Wag.
Ons gesels met Konstabel Fabian Amukwulele oor mense wat weghardloop vanaf 'n ongeluks toneel en telkemale die lisensie skyfie ook saam neem en sodoende dink hulle sal nie opgespoor word nie.