skakel-081966
 
top20btn

 Die Lions-flank, Kwagga Smith, is vir vier weke geskors as gevolg van die rooikaart wat hy Saterdag in die Superrugby-einstryd teen die Crusaders ontvang het. Smith het kontak gemaak met die bene van die heelagter, David Havili, terwyl dit in lug was toe hy ʼn hoë skop opgevolg het. Havili het op sy nek te lande gekom, maar is nie ernstig beseer nie. Die Lions het 25-17 verloor terwyl die Crusaders hulle agtste Super-titel verower het.

Die Hooggeregshof in Middelburg het getuienis aangehoor dat Victor Mlotshwa twee duisend Rand kontant van sy ma verloor het toe hy verlede jaar op ʼn plaas aangerand en in ʼn doodskis geboender is. Lonea Mlotshwa het getuig dat sy haar seun voor die aanval met dié geld na ʼn winkel toe gestuur het. Willem Oosthuizen en Theo Martins Jackson staan tereg in die saak wat voorblaaie gehaal het toe ʼn video aan die lig gekom het wat toon hoe ʼn angsbevange Mlotshwa in ʼn doodskis ingedwing word.

Navorsers in die VSA wil dit hê dat eensaamheid gevaarliker is as vetsug en as ʼn reuse openbare gesondheidsrisiko gesien moet word. Wetenskaplikes het na 218 studies oor die gesondheidsgevolge van maatskaplike afsondering en eensaamheid gekyk waarby amper vier miljoen mense betrek is. Hulle het ontdek dat eensame mense ʼn vyftig persent verhoogde risiko loop om vroeg te sterwe te kom in vergelyking met diegene wat goeie sosiale verbintenisse het. In teenstelling verhoog vetsug die kans op afsterwe teen die ouderdom van sewentig met ongeveer dertig persent.

Pick n Pay
Paratus
Sample01
Sample02
Sample03
  • Erindi-Ad.jpg
  • spec-savers.jpg
  • m+z-group.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na