skakel-081966
 
top20btn

Rafael Nadal sal volgende week weer die eerste plek op die mans-wêreldranglys inneem nadat Roger Federer weens ‘n besering moes onttrek aan die Cincinnati-meesterstoernooi in Amerika. Die jarelange teenstanders is tans kop aan kop en het albei ‘n kans gestaan om die beseerde Andy Murray van Brittanje te onttroon, maar die Switser het aangekondig dat ‘n seer rug dié tweestryd voorlopig gekelder het. Die Spanjaard was in Junie 2014 laas die wêreld se voorste speler. Hy het vanjaar reeds vier toernooie gewen, insluitend die Franse Ope ‘n ongekende tiende keer.

Die Amerikaanse president, Donald Trump, het teen rassisme uitgevaar en die verregse Ku Klux Klan en neo-Nazi’s as walglik bestempel. Dit volg op reuse verontwaardiging oor sy gematigde reaksie op die naweek se blanke opperheerskappysaamtrek in Charlottesville, Virginia, wat in ‘n bloedbad geëindig het. ‘n Vrou is dood en neëntien mense beseer toe ‘n vermeende Nazi-simpatiseerder met sy motor ingejaag het in ‘n groep wat teen die saamtrek betoog het.

Uit Sierra Leone in Wes-Afrika word berig dat meer as 300 mense dood en minstens twee duisend ontwortel is in modderstortings wat die hoofstad, Freetown, getref het na swaar reën en oorstromings. Lykshuise is oorvol en oorlewendes soek desperaat na geliefdes. Die Rooikruis verwag dat die dodetal verder gaan styg.

Pick n Pay
Paratus
Sample01
Sample02
Sample03
  • spec-savers.jpg
  • m+z-group.jpg
  • Erindi-Ad.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na