skakel-081966
 
top20btn

Adjunk-president Cyril Ramaphosa sê dit is noodsaaklik dat ʼn onafhanklike geregtelike kommissie van ondersoek na alle bewerings oor staatskaping ingestel moet word.Hy het in Rustenburg gesê die ANC en sy regering word al hoe meer verbind met korrupsie en persoonlike verryking.Ramaphosa sê daar moet ‘n deeglike ondersoek gedoen word na die gerugte, bewerings en berigte, en dringend en doelbewus opgetree word om alle vorme van kaping, korrupsie en baantjies vir boeties te staak.Hy sê slegs deur só ‘n kommissie sal bevestig kan word hoeverre instansies van die regering onbehoorlik en onwettig gebruik is om ʼn paar individue en families te verryk.

Die ANC is self bekommerd oor korrupsie en gaan op sy nasionale beleidskonferensie, wat van 30 Junie tot 5 Julie in Midrand gehou word, stappe aankondig teen korrupsie in die samelewing.Die voorsitter van die ANC se subkomitee oor wetgewing en plaaslike regering, Ayanda Dlodlo, het op ‘n nuuskonferensie by Luthuli-huis in Johannesburg gesê die ANC het met ernstige kommer kennis geneem van die toenemende vlakke van korrupsie in die openbare- en privaatsektore.Sy het gesê dit is vinnig besig om ’n bedreiging vir goeie regering te word.

Die vakbond, Solidariteit, het sy misnoeë uitgespreek oor General Motors se aankondiging dat hy sy bedrywighede in Suid-Afrika gaan staak, aangesien sy vervaardiging in Suid-Afrika nie die opbrengste gaan bied wat GM benodig om sy globale strategieë en beleggings te ondersteun nie. Die adjunk-hoofsekretaris van die staal- en ingenieursbedryf by Solidariteit, Marius Croucamp, sê GM se onttrekking uit die Suid-Afrikaanse mark kom as ʼn rimpel-effek van president Jacob Zuma se ondeurdagte kabinetskommeling vroeër vanjaar.Hy sê Solidariteit vrees ʼn uittog van nog ander groot maatskappye weens die swak politieke en ekonomiese beleid wat tans toegepas word. 

Pick n Pay
Paratus
Sample01
Sample02
Sample03
  • spec-savers.jpg
  • Erindi-Ad.jpg
  • m+z-group.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na