fot-galery

  Laai VLC media speler af

Nuus

Emirates verminder vlugte na Kaapstad

Die Emirates-lugdiens gaan sy vlugte tussen Kaapstad en Doebaai van 1 Mei tot 20 Julie van twee vlugte per dag tot een verminder weens bouwerk aan die aanloopbaan in Doebaai.Die lugdiens het daagliks drie vlugte uit Johannesburg, twee uit Kaapstad en een van Durban.
 

Malema gaan nie reageer op ope brief teen hom nie

Die leier van die Ekonomiese Vryheidsvegters, Julius Malema, sê hy gaan nie kommentaar lewer op ‘n ope brief aan hom deur die leier van die Patriotic Alliance, Gayton McKenzie, nie.Hy sê baie houe gaan nog voor die verkiesing aan alle politici uitgedeel word en hy is nie gepla oor die brief nie.
 

Nuwe krieket reeks later vanjaar

Net soos wat ons nou al gewoond geraak het aan Sewesrugby, gaan  Sesse-krieket ook nou deel van die somersport-kalender word. Ses Afrika-spanne gaan in September met die begin van die nuwe krieketseisoen saam met ses Suid-Afrikaanse konsessiespanne op Supersportpark deelneem aan die Softech Sesse-toernooi. Suid-Afrika, Namibië, Tanzanië, Uganda, Zimbawe en Kenia sal van 4 tot 7 September aan die Ses-'n-kant Afrikabeker-uitdaagtoernooi deelneem, terwyl die ses plaaslike konsessiespanne dieselfde tyd in 'n uitdaagreeks sal kragte meet. Boulbeurte word tot vyf beperk met 5 van die ses spelers wat toegelaat sal word om te boul.
 

Nuwe Suid-Afrikaanse president op 24 Mei 2014 ingehuldig

Die inhuldiging van die aangewese president sal op 24 Mei in die Nelson Mandela-amfiteater by die Uniegebou in Pretoria plaasvind.

Die presidensie sê in 'n verklaring ná die verkiesing op 7 Mei sal die president na verwagting op 21 Mei in die Parlement gekies word nadat die nuwe lede van die Parlement, asook die speaker en die adjunk-speaker van die Nasionale Vergadering ingehuldig is.

Woordvoerder Mac Maharaj sê president Jacob Zuma het verlede jaar 'n tussen-ministeriële komitee aangestel om die inhuldiging te beplan.

 

Die Weer

reenReën
SatellietSatellietfoto
Fotos verskaf aan Kosmos deur Kobus Botha Weather