skakel-081966
 
top20btn

Nagenoeg 600 werknemers van General Motors Suid-Afrika sal hul werk teen Julie verloor, voor dié maatskappy sy plaaslike bedrywighede aan Isuzu Motors oordra.Só het die metaalwerkersvakbond Numsa  gisteraand  gesê, enkele dae nadat die voertuigmaatskappy  aangekondig het dat hulle aan die einde van die jaar   hul bedrywighede in Suid-Afrika  sal staak.

Die voormalige MotoGP-kampioen Nicky Hayden is dood nadat hy verlede week in die ooste van Italië op sy trapfiets deur ’n motor getref is.Die 35-jarige Nicky Hayden, het  op sy trapfiets langs Italië se Adriatiese See geoefen toe die ongeluk gebeur het.

Pres. Donald Trump van Amerika,  se voormalige nasionale veiligheidsadviseur, Michael Flynn het geweier om dokumente oor Rusland se beweerde inmenging in 2016 se nasionale verkiesing in die VSA  aan ondersoekers te oorhandig.Volgens Flynn se regspan kan sy getuienis moontlik teen hom gebruik word.

Rugbynuus:Die Cheetahs se kaptein en senter,  Francois Venter, het ’n skeurtjie aan sy dyspier teen die Hurricanes opgedoen en dit is nie seker of hy Saterdag teen die Sunwolves sal speel nie.Venter het die afgelope Saterdag in Wellington net 22 minute gespeel, waarna hy deur Niel Marais vervang is.

Sjina het sy reg om homself teen buitelandse spioenasie te beskerm, verdedig ná bewerings dat hy meer as 'n dosyn Amerikaanse spioene om die lewe gebring het of in die tronk gegooi het.'n Woordvoerder van die land se  ministerie van buitelandse sake sê Sjina sal enigiets  teiken wat sy nasionale veiligheid bedreig.Sjina wou nie kommentaar te lewer op 'n berig in die New York Times dat die CIA se spioenasiebedrywighede in dié land ontbloot is nie.

Die Veiligheidsraad van die Verenigde Nasies gaan vandag ‘n noodvergadering hou in reaksie op Noord-Korea se jongste ballistiese missieltoets.Die vergadering is deur Amerika, Japan en Suid-Korea aangevra.Noord-Korea het bevestig dat ‘n middel-afstand vuurpyl Sondag gelanseer is.

Die Suid-Afrikaanse minister van Openbare Ondernemings, Lynne Brown, én die raad van Eskom sal vandag  voor die parlementêre portefeuljekomitee oor Openbare Ondernemings verskyn in verband met die heraanstelling van Brian Molefe as uitvoerende hoof van die kragvoorsiener.Daar was hewige openbare reaksie ná sy heraanstelling nadat die Eskom-raad besluit het om hom terug te bring pleks van om hom 30-miljoen rand se pensioengeld te betaal.Molefe het verlede jaar by Eskom bedank nadat hy in die staatskaping-verslag van die voormalige Openbare Beskermer, geïmpliseer is.

Die adjunkminister van justisie en korrektiewe dienste, Thabang Makwetla,het die naweek self ’n slagoffer van misdaad geword toe hy deur vier mans gekaap is.Vier gewapende kapers het die adjunk-minister  by ‘n hospitaal in Fourways, noordwes van Johannesburg oorval en hom en twee veiligheidswagte ontvoer.Makwetla wat van sy bankkaart, selfoon en kontant beroof is, en die twee veiligheidswagte is omstreeks drieuur die oggend in Noordwes afgelaai.

Negentien mense is gisteraand dood  en meer as 50 ander beseer in ‘n vermeende terreuraanval in die Manchester Arena  in Bittanje.Die ontploffing het na ‘n popkonsert deur die Amerikaanse sanger Ariana Grande plaasgevind.Die Britse premier Theresa May het haar meegevoel met die slagoffers se naasbestaandes betuig.

Die Veiligheidsraad van die Verenigde Nasies gaan môre ‘n noodvergadering hou in reaksie op Noord-Korea se jongste ballistiese missieltoets.Die vergadering is deur Amerika, Japan en Suid-Korea aangevra.Noord-Korea het bevestig dat ‘n middel-afstand vuurpyl gister gelanseer is en 500 kilometer verder in die See van Japan geval het.Dit het gevolg ‘n week nadat Noord-Korea ‘n vuurpyl gelanseer het wat oor die vermoë beskik om ‘n groot kernkragkop te dra.

Sewes-rugby:  Suid-Afrika is gister aan die einde van die Wêreldreeks se laaste toernooi op Twickenham in Londen as die amptelike kampioene gekroon.Suid-Afrika het in die eerste plek op 192 punte geëindig met Engeland tweede op 164 en Fidji derde op 150.Die Blitsbokke het in die Londen-toernooi in die vyfde plek geëindig nadat hul weens ‘n omstrede geelkaart aan Werner Kok, in die kwarteindronde met 17-12 deur Engeland uitgeskakel is.

Pick n Pay
Paratus
Sample01
Sample02
Sample03
  • Erindi-Ad.jpg
  • spec-savers.jpg
  • m+z-group.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na