skakel-081966
 
top20btn

 Die adjunk-minister van Vervoer, Sindisiwe Chikunga, het ‘n beroep op motoriste gedoen om die padreëls te gehoorsaam wanneer hul die langnaweek op pad gaan.

Sy het daarop gewys dat meer as 230 mense oor die Paasnaweek op die land se paaie dood is.

Chikunga sê oorlading, voetgangers en spoed is van die faktore wat vir padongelukke verantwoordelik is.

Daar was vanoggend ’n groot polisieteenwoordigheid by die landdroshof in Coligny in Noordwes waar twee verdagtes gaan verskyn in verband met die dood van ’n 12-jarige seun.

Volgens berigte het sowat 50 polisielede sedert vroeg vanoggend af buite die hof stelling ingeneem.

Talle mense het buite die hof saamgedrom en geëis dat borgtog nie aan die beskuldigdes toegestaan word nie.

Sewentien betogers wat vroeër die week weens gewelddadige betogings in hegtenis geneem is, sal ook vandag in die hof verskyn.

Die man wat Woensdag deur die Valke in Midrand in hegtenis geneem is omdat hy glo planne beraam het vir ‘n staatsgreep -- insluitend sluipmoorde op 19 mense, waaronder kabinetslede -- het in die Johannesburgse landdroshof verskyn.

Hy is geïdentifiseer as die 33-jarige Elvis Ramosebudi.

Hy is aangekla van sameswering om moorde te pleeg en die saak is tot 2 Mei uitgestel vir ‘n borgtogaansoek.

Die derde gekeurde Rafael Nadal van Spanje is steeds op koers vir ‘n tiende Barcelona Ope-titel.Hy het na die kwarteindronde deurgedring nadat hy Kevin Anderson van Suid-Afrika met 6-3 en 6-4 uitgeskakel het.Dit was Nadal se 50ste oorwinning in Barcelona.

Vlugte van die Suid-Afrikaanse Lugdiens het gister weer na normaal teruggekeer nadat ’n staking van bemanningslede Woensdag veroorsaak het dat 50 vlugte gekanselleer moes word.SAL-woordvoerder Tlali Tlali sê dit volg nadat die redery ’n tussentydse bevel van die Arbeidshof in Johannesburg verkry het dat stakende lede van die vakbond, Sacca, hul werk moet hervat.Die president van Sacca, Zazi Nsibanyoni-Anyiam, sê intussen hulle hoop om vanoggend ‘n aansoek in te dien om ’n dringende hersiening van die hofbevel te vra.

Die leier van die DA, Mmusi Maimane, het op ’n Vryheidsdagbyeenkoms van die Vryheidsbeweging in Pretoria gesê die tyd is verby dat Zuma 55-miljoen Suid-Afrikaners gyselaar hou.Hy sê Zuma is nie meer geskik om president te wees nie en almal het gesien wat gebeur as te veel mag aan een man gegee word.Die leier van CopeMosiuoa Lekota, het by dieselfde geleentheid gesê die land se probleme het begin toe die ANC van die Grondwet begin afwyk het, en die UDM-leier, Bantu Holomisa, het gesê die opposisiepartye wat deel is van die nuwe beweging sal op 3 Mei vergader om te besluit hoe die burgerlike samelewing betrek kan word.

President Jacob Zuma sê die ANC sal op sy nasionale beleidskonferensie in Junie besluit of die onteiening van grond sonder vergoeding ANC-beleid sal word of nie.Hy het op ‘n Vryheidsdagbyeenkoms op Manguzi in KwaZulu-Natal gepraat en gesê alle beskikbare middele sal gebruik om grondhervorming te bespoedig.Zuma het ook gesê hoewel politieke vryheid verkry is, is daar nog nie ekonomiese vryheid nie en dit is die rede waarom die ANC hom nou toespits op radikale ekonomiese transformasie.

AfriForum in samewerking met die Solidariteit Beweging hou op 6 Mei ’n nasionale veiligheidsberaad in Pretoria.

Die organisasie se hoof van gemeenskapsveiligheid, Ian Cameron, sê die hoofdoel daarvan is om nasionale veiligheidsmeganismes tussen gemeenskappe, die staat en die privaat sektor te bespreek om misdaad te bekamp.

Hy sê die onlangse onluste en geweld in plekke soos Lichtenburg en Coligny in Noordwes wys daar is ’n behoefte aan só ’n veiligheidsberaad.

  Die vakverbond, Cosatu, wou nie gisteraand kommentaar lewer oor briewe van vakbonde -- wat aan die organisasie geaffilieer is -- waarin glo gevra word dat president Zuma nie Maandag die hoof- Werkersdagvierings in Bloemfontein toespreek nie.

Die versoek is gerig deur Nehawu en die Kommunikasiewerkersvakbond.

Hulle meen dit sal in stryd wees met ‘n vroeëre beslissing van Cosatu dat Zuma as leier van die land moet bedank.

Die tweede adjunk-hoofsekretaris van die SAKP, Solly Mapaila, sê burgers kan nie toelaat dat een man en sy familie hulle ten koste van arm Suid-Afrikaners verryk nie.

Hy het in Mthatha in die Oos-Kaap gesê die SAKP het reeds in 2013 -- toe hulle besef het die Gupta-familie is besig om hul verhouding met president Jacob Zuma uit te buit om die bestuur van die land oor te neem -- met onderhandelings begin om Zuma uit die kussings te lig.

Mapaila het volgens Netwerk24 gesê Zuma is glad nie verantwoordbaar teenoor die organisasie of die mense van Suid-Afrika nie, en die SAKP is glad nie skaam oor sy standpunt dat dit tyd is vir Zuma om uit te tree nie.

n 23-Jarige man is in Midrand deur die Valke in hegtenis geneem in verband met ’n moordlys wat die name bevat van 19 Suid-Afrikaners – waaronder kabinetslede, lede van staatsinstellings en ander vooraanstaande mense – wat glo by staatskaping sou baat vind.Die Valke se woordvoerder, brigadier Hangwani Mulaudzi, sê die vermeende sluipmoordenaar se bedrywighede word reeds sedert Oktober verlede jaar dopgehou.Die name op die moordlys sal volgens Mulaudzi eers in die hof bekend gemaak word.

Pick n Pay
Paratus
Sample01
Sample02
Sample03
  • spec-savers.jpg
  • m+z-group.jpg
  • Erindi-Ad.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na