skakel-081966
 
top20btn

Die ANC se wantrouemosie in die Wes-Kaapse premier, Helen Zille, het gisteraand misluk.Die ANC in die provinsiale wetgewer het vroeër die maand die mosie teen Zille ingedien nadat sy en die DA ’n skikkingsooreenkoms bereik het.Die DA se 26 lede, asook die ACDP se een lid het in Zille teen die mosie gestem, terwyl die ANC se 12 lede daarvoor gestem het en die EFF buite stemming gebly het.

v

Uit Afganistan word berig dat minstens tien mense dood is toe ‘n motorbom vanoggend in die hoofstad Kaboel ontplof het.

Dis nie duidelik wat die teiken van die terreuraanval was nie.

Die Taliban het vroeër die week   aanspreeklikheid aanvaar vir 'n ontploffing in Kaboel waartydens 35 mense dood en meer as 40 ander beseer is.

 

Die ANC sê  hy gaan by die party se nasionale uitvoerende komitee vergadering vandag in Pretoria  planne bespreek  om ekonomiese groei  in Suid-Afrika te stimuleer  en beleggers na die land terug te lok.

'n ANC-woordvoerder, Zizi Kodwa sê indien daar nie op 'n plan ooreengekom word om ekonomiese groei te bevorder nie, kan dit tot baie groter probleme lei.

Pres. Jacob Zuma  se beleid van radikale ekonomiese transformasie  kan pogings om nuwe lewe in die land se tanende ekonomie  te blaas egter knou.

Rugbynuus:  Die kaptein van die Wallabies, Stephen Moore, gaan sy kapteinskap met onmiddellike effek opgee en sal aan die einde van die seisoen uit internasionale rugby tree.

Die 34-jarige Moore  is die speler wat die tiende meeste toetse in die geskiedenis van rugby gespeel het.

Hy het sy buiging in 2005 teen Samoa gemaak en het in drie Wêreldbeker-toernooie vir Australië gespeel.

Die Amerikaanse president, Donald Trump se aankondiging op Twitter dat transseksuele  persone nie meer in enige posisie in dié land se weermag mag dien nie, het skerp kritiek van aktiviste en sommige politici ontlok.

'n Transseksuele -aktivis, Mara Keisling sê Trump se aankondiging beteken dat 15-duisend opgeleide en gemotiveerde soldate afgedank moet word.

Die Withuis se woordvoeder, Sarah Sanders, sê die Trump  administrasie gaan saam met die Pentagon werk om te besluit hoe die proses voortgesit gaan word.

Volgens die veteran kolwer Hashhim Amla  is Kagiso Rabada se terugkeer na die Proteas ná hy vir 'n wedstryd geskors was, goeie nuus vir die span.Die Proteas kom  om twaalfuur Suid-Afrikaanse tyd  op die Oval in Londen in die derde toets teen Engeland te staan.Die spanne is tans gelykop in die reeks met een elk.

Die Springbok-afrigter, Allister Coetzee, is op hete kole oor ’n dreigende losskakelkrisis in die aanloop tot vanjaar se Rugbykampioenskap.Handré Pollard was verlede week weer onder die mes en dit is onwaarskynlik dat hy gereed sal wees vir toetsrugby wanneer die Bokke op 8 Augustus in Port Elizabeth byeenkom.Met Pat Lambie wat vir minstens drie maande nie kan speel nie, is daar die laaste ruk in die Bok-kamp angstig gewag op nuus oor  Pollard se enkelbesering.

Die Indiese polisie het 'n man in hegtenis geneem wat verskeie woonstelle besit het in 'n gebou wat in Moembai inmekaar getuimel het en die dood van 17 mense veroorsaak het.Die polisie sê die ramp is vermoedelik te wyte aan strukturele veranderings wat sonder goedkeuring gedoen is.Die man wat van strafbare manslag aangekla word, het die grondvloer in 'n sorgsentrum omskep.

Suid-Afrika se swemsensasie , Chad le Clos, het weer ‘n goue medalje in  die 200 meter-vlinderslag losgeswem, terwyl Cameron van der Burgh gisteraand  die land se tweede medalje by die Wêreld swembyeenkoms in Boedapest verower het.Le Clos het die item in ‘n tyd van een  minuut 53 punt 3-3  sekondes gewen.n Emosionele Le Clos het ná sy sege gesê hy is verheug om sy wêreldkroon van 2013 terug te wen.

Die Ierse rugbyspelers en Ulster-sterre Paddy Jackson en Stuart Olding is deur die polisie in Noord-Ierland van  verkragting aangekla.

Die twee spelers is in Junie 2016 in hegtenis geneem oor die beweerde voorval in Belfast.

Hulle is vrygelaat hangende ’n polisieverslag wat na die aanklaer gestuur is vir ondersoek.

Die spelers gee hul volle samewerking en het die aantygings ten sterkste ontken.

Die moordverhoor van die voormalige hoof van die Sotheby's International Realty in Suid-Afrika, Jason Rohde gaan op 9 Oktober in die hooggeregshof in Kaapstad begin.

'n Voorverhoor vind op 18 Augustus plaas.

Rohde word aangekla van die moord op sy vrou, Susan, en van regsverydeling. Daar is aanvanklik vermoed dat sy haar  haar eie lewe geneem het, maar daar is tydens die nadoodse ondersoek bevind dat sy verwurg is.

Pick n Pay
Paratus
Sample01
Sample02
Sample03
  • Erindi-Ad.jpg
  • spec-savers.jpg
  • m+z-group.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na