skakel-081966
 
top20btn

 Die Universiteit van Kaapstad is volgens die jongste wêreldranglys vir universiteite dié top-universiteit in Afrika.

Die universiteit beklee die 191ste plek uit byna ‘n duisend universiteite regoor die wêreld.

Die Universiteit Stellenbosch is nommer 361 op die lys, met die Universiteit van die Witwatersrand kort op sy hakke in die 364ste plek.

Dié drie universiteite is ook die voorste universiteite in Afrika.

Banke, maatskappye en winkelgroepe het reeds mildelik bygedra om mense wat deur die verwoestende brande in die Suid-Kaap geraak is, te help.

Twee van Suid-Afrika se vier grootste banke, FNB en ABSA, het gister skenkings van 10-miljoen rand elk gemaak.

ABSA het ook vyf-duisend tente – wat gewoonlik gebruik word deur fietsryers wat aan die Cape Epic-bergfietsren deelneem – geskenk.

 ‘n Brandbestryder, die 24-jarige Bradley Richards, is dood in die stryd om wegholbrande in die Suid-Kaap te blus.

Hy is gister in die George Mediclinic opgeneem nadat hy ernstige beserings opgedoen het toe hy gehelp het om die brande in Plettenbergbaai te blus.

Nog ’n brandbestryder is in die hospitaal nadat hy brandwonde aan sy gesig, hande en bene opgedoen het.

Sri Lanka het gisteraand in die Kampioenetrofee-toernooi in Engeland ‘n skokoorwinning oor Indië behaal en in die proses ‘n rekordgetal lopies in die geskiedenis van die toernooi vir ‘n oorwinning gejaag.Die Sri Lankane het die kragmeting op die Oval in Londen met sewe paaltjies gewen.Indië, wat eerste gekolf het, het 321 vir ses in sy 50 boulbeurte aangeteken en Sri lanka het geantwoord met 322 vir drie met nog agt balle oor.Suid-Afrika kom Sondag teen Indië te staan en ‘n oorwinning sal aan die Proteas ‘n plek in die halfeindronde verseker.

Die DA se tugverhoor van die premier van die Wes-Kaap, Helen Zille, oor haar twiets oor kolonialisme, vind vandag plaas.Sy is vroeër die week amptelik van DA-verwante bedrywighede geskors hangende die tugverhoor.Volgens die voorsitter van die DA se federale raad, James Selfe, behou Zille intussen al haar huidige magte as premier.

Die kabinet het sy meegevoel betuig met die families van diegene wat hul lewens en eiendom in die stormweer in die Wes-Kaap en die verwoestende brande in die Suid-Kaap verloor het.Die nooddienste en ander is bedank vir hul werk om die moeilike situasie te bestuur en om ondersteuning aan diegene in nood te verskaf.President Jacob Zuma het ook ‘n boodskap van ondersteuning gestuur aan diegene wat geraak is, terwyl die speaker van die Nasionale Vergadering, Baleka Mbete, ook namens die Parlement haar simpatie uitgespreek het.Vyf mense is in die stormweer in die Wes-Kaap dood en vier het in die brande gesterf.

‘n Voormalige aanbieder van die TV-program, 50/50Johann Botha, is gisteraand in ’n rooftog in Johannesburg doodgeskiet.

Die eienaar van die Zebra Inn in Jeppestown – waar hy gekuier het – is ook in die gewapende rooftog dood.

Die rowers het na bewering met 'n onbekende bedrag geld gevlug.

Opruimingswerk het in die Wes-Kaap begin ná een van ergste storms in jare.

Volgens ‘n burgemeesterslid van die Stad Kaapstad, JP Smith, is 870 strukture verwoes, terwyl meer as twee-duisend-500 mense geraak is nadat hul blyplekke oorstroom is.

Meer as ‘n honderd mense is vir die nag in gemeenskapsale gehuisves.

Sowat ‘n honderd bome is ontwortel wat kragdrade gebreek en paaie versper het.

 Dele in die Suid-Kaap sal na verwagting tot rampgebiede verklaar word met verwoestende brande wat steeds in die omgewing van en in SedgefieldKnysna en Plettenbergbaai woed.

Brande by George is volgens berigte onder beheer, maar tot 10-duisend mense is op Knysna ontruim, terwyl daar ook met ontruimings in Plettenbergbaai begin is.

Bykomende brandspanne is vanaf Kaapstad en die Overberg gestuur, asook 12 bykomende spanne van Working on Fire.

Die Weermag sal ook van vandag af bystand verleen.

Tennis:  Die wêreld se nommer twee, Novak Djokovic van Serwië, is in die kwarteindronde van die Franse Ope in Parys met 7-6, 6-3 en ses-stroop deur die 23-jarige Dominic Thiem van Oostenryk uitgeskakel.Die vierde gekeurde Rafael Nadal van Spanje het na die halfeindronde bereik nadat sy landgenoot, Pablo Carreno Busta, in die tweede stel van hul kwarteindstryd met ’n besering uitgetree het.Nog tennisnuus in ons volgende bulletin.

Die hoop het vervaag dat enige oorlewendes gevind sal word nadat ‘n militêre vliegtuig van Mianmar, oftewel Burma, met 120 mense aan boord oor die Andaman See vermis geraak het.Volgens die jongste berigte is wrakstukke in die see opgemerk deur skepe en vliegtuie wat na die gebied gestuur is.Die vliegtuig was met 14 bemanningslede en 106 militêre personeellede en hul gesinne van die stad Myeik na Yangon onderweg toe dit van die radarskerms verdwyn het.

 

Pick n Pay
Paratus
Sample01
Sample02
Sample03
  • spec-savers.jpg
  • m+z-group.jpg
  • Erindi-Ad.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na