skakel-081966
 
top20btn

Amerika se minister van buitelandse sake, Rex Tillerson, het Rusland daarvan beskuldig dat hy in gebreke gebly het om Sirië te keer om ‘n chemiese aanval op ‘n rebelledorp in die land uit te voer.

Hy sê Rusland het vroeër ingestem om te verseker dat Sirië se chemiese wapenvoorraad venietig word.

Die ministers van buitelandse sake van die G7-lande vergader later vandag in Italië oor hoe om druk op Rusland uit te oefen om hom van Sirië se president Bashar Al-Assad te distansieer.

Tillerson gaan ook ná die beraad sy Russiese ampsgenoot, Sergei Lavrov, in Moskou ontmoet.

 

  1. Guptas se militêre pantservoertuig is glo oornag van hul landgoed in Saxonwold, Johannesburg, verwyder.
  2. Netwerk24 sê dit blyk dat die voertuig op ’n sleepwa gelaai en na ’n ander plek vervoer is.

Die Gupta-familie se prokureur, Gert van der Merwe, het vroeër aan Rapport bevestig dat die voertuig die familie se private eiendom is en dat dit vir veiligheidsdoeleindes gebruik word.

Vroeër is ook berig dat die DA die voorsitter van die Nasionale Konvensionele Wapenbeheerkomitee, Jeff Radebe, gaan vra of die Guptas toestemming het om 'n militêre voertuig te besit.

 

  Net vier Suid-Afrikaanse spanne sal van aanstaande jaar af aan die Superrugbyreeks deelneem.

Die beheerliggaam van rugby in die Suidelike Halfrond, Sanzaar, het vandag in ’n verklaring bevestig dat twee Suid-Afrikaanse spanne en ‘n Australiese span uit die reeks gesny gaan word.

Die twee lande moet self besluit oor wie dié spanne sal wees, en die ses uitvoerende hoofde van Suid-Afrika se Super-franchises sal Dinsdag in Johannesburg vergader om te besluit watter twee spanne gaan uitval.

 

 In die suide van Pole is minstens ses mense dood toe ‘n verdieping-woonstelgebou ineengestort het.

Volgens ‘n brandweerwoordvoerder het twee verdiepings meegegee weens ‘n gasontploffing.

Vier mense is lewend onder die puin uitgegrawe.

 

  Landbou-organisasies, boere en ander rolspelers gaan die regering hof toe sleep oor nuwe inspeksietariewe.

Die inspeksietariewe vir varsprodukte is reeds gefinaliseer en in die Staatskoerant gepubliseer.

Die graanbedryf sê die voorgestelde inspeksietariewe wat hulle sal moet betaal, sal brood tot drie-rand meer per brood laat styg indien dit in sy huidige formaat deurgevoer word.

  1. berig dat verskeie landbourolspelers glo al besig is met regstappe oor die tariewe, wat ook pluimvee en eiers, konfyt en selfs tafel-olywe insluit.

 

 Die voormalige tesourier-generaal van die ANC, Mathews Phosa, sê die omstrede Gupta-familie het selfs probeer om die ANC se tesourie te kaap.

Hy het by die Klein Karoo Nasionale Kunstefees in Oudtshoorn gesê hy het die Guptas se aanslag afgeweer.

  1. Netwerk24 het Phosa gesê die ANC kan dit nie bekostig om langer met president Jacob Zuma as leier te volhard nie, omdat die party én die regering steier onder al die korrupsie-skandale waarvan daar al sewe was sedert Augustus verlede jaar.

Hy meen die ANC se nasionale uitvoerende komitee sal voor die einde van die jaar van Zuma as leier ontslae raak.

 

 Die ANC-jeugliga sê sy lede is van plan om môre se gedenkdiens vir die ANC-veteraan, Ahmed Kathrada, in Durban by te woon.

Die liga het ook belowe dat sy lede hul sal gedra.

Dit nadat die organiseerders van die diens gister om ’n dringende interdik aansoek gedoen het om die jeugliga te verbied om die diens by te woon omdat hulle vir die veiligheid van die voormalige minister van Finansies en hoofspreker by die diens, Pravin Gordhan, vrees.

Die jeugliga se provinsiale sekretaris, Thanduxolo Sabelo, sê hulle is glad nie van plan om die diens te ontwrig nie, en wil slegs hulde aan Kathrada bring.

 

 Oproepe dat president Jacob Zuma moet bedank, duur voort en opposisiepartye beplan ‘n nasionale dag van aksie.

Dit sal op Woensdag 12 April plaasvind wanneer Zuma sy 75ste verjaarsdag vier.

  1. News24 berig dat politieke partye waaronderAfrican Christian Democratic Party (ACDP), African People’s Convention (APC), COPE, die DA, die EFF, die Inkatha Vryheidsparty en die United Democratic Movement (UDM), kragte saamgesnoer het om die bedanking van Zuma te eis.

 

Munisipale tariewe in die Mangaung-metro in Bloemfontein gaan met tussen ses-komma-25 en elf persent styg.

Dit volgens ‘n konsepbegroting wat vir die 2017/18-boekjaar ter tafel gelê is.

Nuwe verhoogde tariewe sal op 1 Julie in werking tree.

 

Die DA en die EFF het dit verwelkom dat ’n datum vasgestel is vir die debat oor ’n mosie van wantroue in president Zuma.

EFF-woordvoerder Mbuyiseni Ndlozi het volgens Netwerk24 weer ’n beroep op ANC-parlementslede gedoen om op grond van hul gewete te stem.

John Steenhuisen van die DA het in ’n verklaring gesê die tyd het aangebreek vir die parlement om in die bresse te tree vir die land se swaarverdiende demokrasie en die Grondwet.

Die parlement het in ’n verklaring gesê die mosie is vir 18 April geskeduleer.

 

Die ANC-jeugliga in Limpopo het gedreig om president Jacob Zuma se presidentskap ten alle koste te verdedig.

Die liga het ook ‘n waarskuwing gerig aan mense wat dit oorweeg om aan môre se betoging vir die verwydering van Zuma as president deel te neem, en gesê hulle sal ’n les geleer word.

Volgens die liga is ‘n betoging teen Zuma dieselfde as ’n betoging teen die ANC, en sal dit nie geduld word nie.

 

Pick n Pay
Paratus
Sample01
Sample02
Sample03
  • m+z-group.jpg
  • spec-savers.jpg
  • Erindi-Ad.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na