skakel-081966
 
top20btn

’n Vermeende brandstigter  is in hegtenis geneem in verband met Maandagaand se voorval toe agt teinwaens by die Kaapstadse spoorstasie aan die brand  gesteek  is.

Verskeie winkels op die spoorstasie  is tydens die voorval geplunder.

Skade aan die treinwaens  en spoorstasie word op miljoene rand beraam.

Drie mense word ondervra in verband met die moord in Johannesburg op die gevierde Carte Blanche-vervaardiger en 50/50 aanbieder Johann Botha en sy vriend Werner “ Swazi” Perchtold.

Die twee mans is op 7 Junie by Perchtold se wegneem restaurant doodgeskiet.

Twee vuurwapens  en kontant is tydens die gewapende rooftog buitgemaak.

Die graderingsagentskap - Moody's - het sy kredietafgegraderings voorgesit met Eskom, Sasol, MTN, die Lughawensmaatskappy van Suid-Afrika en sewe ander maatskappye wat afgegradeer is.

Moody's het Maandag ook die vyf vernaamste banke en versekeraars afgegradeer meestal tot die kerf bó rommelstatus.

Dit is een van tientalle afgraderings wat Moody’s die afgelope dae gedoen het nadat Suid-Afrika se staatskuld tot die laagste beleggingsgraad afgegradeer is.

Die Namibiese  senior span die Welwitschia’s  speel vandag teen die span van Opkomende Italië 
 in die Wêreld Rugby Nasiesbeker wat op die oomblik in Uruguay aan die gang is.Die wedstryd is
vanmiddag drie uur plaaslike tyd by Estadio Charrua in Montevideo.Die senior span het Saterdag
sy openingswedstryd van die 2017 Wêreld rugby Nasiesbeker-reeks naelskraaps verloor met 13-15
teen Spanje in Groep A.

Brandbestryders het gistermiddag  laat nog nuwe brande in die Longmore-woud  naby Thornhill  en in ander dele van Nelson Mandelabaai  in die Oos-Kaap probeer blus.Spanne ook in die Rocklands- en Van Stadensrivier-gebiede by Port Elizabeth bedrywig.Die spanne werk hard om te verseker dat al die veldbrande geblus word, aangesien sterk winde weer van Donderdag af in die gebied voorspel word.

Amerikaanse wetenskaplikes  het ‘n middel ontwikkel wat sonlig  naboots  om vel te laat verbruin.Die middel prikkel die vel om die bruin vorm van melamien  af te skei.Die span by die Massachusetts  Algemene  Hospitaal hoop dat hul ontdekking velkanker kan voorkom  en selfs die sigbare tekens van veroudering sal  vertraag.

Daar word gevrees dat mense dood is toe ‘n reuse brand in die vroeë oggendure in ‘n 27-verdieping woonstelgebou in die  westelike deel van Londen, Engeland uitgebreek het.Ongeveer 200 brandweerbeamptes is na die toneel gestuur  en verskeie inwoners van die gebou van 120 woonstelle, wat daarin geslaag het om uit die gebou te kom , is op die toneel vir brand en rookinaseming behandel.Die hele woonstelblok is in vlamme gehul en kan inmekaar tuimel.

Die afrigter van die Junior Springbokke, Chean Roux, het net een verandering aangebring aan sy beginspan vir vanmiddag se halfeindstryd in die Wêreldrugby onder-20-kampioenskapstoernooi teen Engeland in Tbilisi, Georgië.Die slot, Salmaan Moerat, vervang Hendre Stassen wat sy knie beseer het.Die wedstryd begin om vieruur Suid-Afrikaanse tyd.

Sowat 27 spitstydtreine is vanoggend gekanselleer ná gisteraand se oproerigheid by die Kaapstad-stasie waartydens vier lokomotiewe en vier passasierswaens onder meer aan die brand gesteek is.Metrorail het ook gewaarsku dat vertragings van langer as ‘n halfuur op verskeie roetes verwag kan word.Treine na die noordelike en sentrale dele soos Monte VistaWorcester en Malmesbury word geraak.

‘n Groot polisie-operasie is aan die gang ná ‘n skietery by ‘n voorstedelike treinstasie in die Duitse stad, München.Volgens berigte is verskeie mense gewond, en een persoon is in hegtenis geneem.Geen ander besonderhede is nog bekend nie, maar volgens die polisie was dit nie ‘n terreuraanval nie.

Die voorsitter van Eskom se direksie, Ben Ngubane, het met onmiddellike effek bedank.Die aankondiging is ná elfuur gisteraand in ‘n verklaring deur die minister van Openbare Ondernemings, Lynne Brown, gedoen.Die minister het Zethembe Khoza – ’n nie-uitvoerende direkteur van Eskom – as waarnemende voorsitter aangewys totdat sy nuwe direksie-aanstellings aan die kabinet vir goedkeuring gaan voorlê.Ngubane is betrek by uitgelekte Gupta-e-posse en die jongste aantygings is dat hy saam met ’n sakevennoot van die Guptas, Salim Essa, probeer het om ’n oliekonsessie in die Sentraal-Afrikaanse Republiek te verkry.

Pick n Pay
Paratus
Sample01
Sample02
Sample03
  • Erindi-Ad.jpg
  • spec-savers.jpg
  • m+z-group.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na