skakel-081966
 
top20btn

Die Gautengse regering sê hy gaan nie weer aan die Suid-Afrikaanse Nasionale Taxiraad (Santaco) toestemming gee om te betoog ná gister se gewelddadige staking toe duisende taxi’s paaie versper het nie.

‘n Woordvoerder van die raad, Thulani Qwabe, het gister met nog ‘n staking op 12 Julie gedreig indien al hul griewe nie opgelos word nie.

Die provinsiale regering sê gister se staking het ‘n negatiewe impak op die ekonomie gehad.

‘n Lid van die provinsiale wetgewer, Philip van Staden van die Vryheidsfront Plus, sê hy het oproepe ontvang van mense wat in hul voertuie vasgekeer was, asook van bestuurders van swaarvragmotors wat uit hul voertuie gedwing is sodat die voertuie gebruik kon word om paaie te versper.

Katar het ‘n kontrak van 12-miljard dollar onderteken om F-15-vegvliegtuie van Amerika te koop.Die ooreenkoms is in Washington deur die Amerikaanse minister van verdediging, Jim Mattis, en sy ampsgenoot van Katar beklink.Dit volg ‘n dag nadat president Donald Trump Katar daarvan beskuldig het dat dié land terrorisme op ‘n baie hoë vlak befonds.Ander lande in die Arabiese Golf het onlangs hul bande met Katar verbreek en die land daarvan beskuldig dat hy die streek destabiliseer deur sy vermeende steun aan ektremistegroepe en sy verbintenis met Iran.

Die minister van Finansies, Malusi Gigaba, sê aantygings oor sy bande met die Guptas word gedoen om sy naam te beswadder en die fokus af te lei van die belangrike werk wat hy moet doen om onder meer die ekonomie weer aan die gang te kry.Hy het op ‘n nuuskonferensie in Pretoria gesê die regering is daarop gefokus om maatskappye wat aan die staat behoort, te stabiliseer en gaan veral aan Eskom en die Suid-Afrikaanse Lugdiens aandag gee.Gigaba het ook gesê die regering is steeds verbind tot inklusiewe groei en ekonomiese transformasie.

President Jacob Zuma het sy skok uitgespreek oor die afgelope tyd se brandskade in Knysna en Plettenbergbaai.Hy het gister die gebied besoek en die versekering gegee dat die regering sover moontlik sal help.Zuma het ook in Plettenbergbaai ‘n gedenkdiens bygewoon vir ’n vrywillige brandbestryder, Bradley Richards, wat dood is aan brandwonde wat hy opgedoen het terwyl hy gehelp het om die brande te blus.

Die Oos-Kaapse sakeman, Christopher Panayiotou , wat van die huurmoord op sy vrou Jayde aangekla word, se verhoor word vandag in die Port Elizabethse hooggeregshof  hervat.

Panayiotou se regsverteenwoordiger, Terry Price, het 'n verdoemende video van sy kliënt verwerp, en sê dit is nie die oorspronklike opname nie.

In die video kan gehoor word hoe Panayiotou sy ontevredenheid uitspreek omdat sy vrou  se juwele nie gesteel is om die voorval soos 'n rooftog te laat lyk nie.

President Jacob Zuma, vergesel van verskeie ministers, sal vanoggend die Tuinroete in die Suid-Kaap besoek waar veldbrande groot verwoesting gesaai het.

In Knysna alleen is sewe mense dood en meer as 400geboue in puin gelê.

Buffelsbaai, George en Plettenbergbaai het ook onder die brande deurgeloop.

Verkeer op Gauteng se besige hoofweë word sedert vanoggend vroeg ernstig ontwrig  deur minibustaxibestuurders wat aan ’n protesoptog deelneem en wat tolhekke en ander plekke op die snelweë met hulle voertuie versper.Die Suid-Afrikaanse Taxi-raad het bevestig dat sy lede 'n protesoptog na die kantore van die Suid-Afrikaanse taxi-finansieringsdiens in Midrand, noord van Johannesburg  hou.Hulle betoog teen hoër finansieringskoste vir minibusse.

Die dodetal in  die brand in ‘n  woonstelblok in die westelike deel van Londen het tot minstens twaalf  gestyg toe  brandweerbeamptes op die liggame van nog slagoffers in die puin van die 24 verdieping gebou afgekom het.Daar word verwag dat die dodetal weens die brand  nog verder sal styg.Die ambulansdiens sê 68 pasiënte  is na ses hospitale regoor die Britse hoofstad  geneem  en dat  agtien van die beseerdes in ‘n kritieke toestand  is.

Die aanvaller wat losgebrand het op Republikeinse kongreslede tydens 'n bofbaloefening in die Amerikaanse deelstaat Virginië, is dood aan wonde wat hy opgedoen het tydens 'n skietery met die polisie.Die Republikeine se hoofsweep in die Huis van Verteenwoordigers, Steve Scalise en drie ander mense is tydens die voorval gewond.Die Amerikaanse president, Donald Trump het vroeër die voorval veroordeel.

Die farmaseutiese  maatskappy Aspen moet ’n stewige boete van vyf-komma-twee miljoen euro’s , plus rente, in Italië betaal weens sy buitensporige pryse vir kankermedisyne.Italië se mededingingsowerhede het Aspen reeds verlede jaar beboet nadat bevind is hy het sy markposisie misbruik deur pryse op ’n paar onvervangbare medisyne met ‘n reuse eenduisend-500 persent  te verhoog.Die  Mededingingskommissie in Suid-Afrika  het vandeesweek aangekondig dat  hy met drie ondersoeke na die farmaseutiese sektor, waaronder Aspen, begin.

Die Suid-Afrikaanse A-span  vir Vrydagaand se  wedstryd teen die Franse Barbarians is bekend gemaak.

Altesaam sewe van die spelers in die 23-tal het toetservaring.

Die Suid-Afrikaanse A-span is: Lwazi Mvovo, Ruan Combrinck, Juan de Jongh (kaptein), Harold Vorster, Makazole Mapimpi, Lionel Cronjé, Jano Vermaak, Sikhumbuzo Notshe, Ruan Ackermann, Uzair Cassiem, Ruan Botha, Andries Ferreira, Wilco Louw, Franco Marais en Thomas du Toit.

Die plaasvervangers is Ramone Samuels, Ox Nche, Trevor Nyakane, Jason Jenkins, Andisa Ntsila, Dewaldt Duvenage, Fred Zeilinga en Francois Venter.

Pick n Pay
Paratus
Sample01
Sample02
Sample03
  • spec-savers.jpg
  • Erindi-Ad.jpg
  • m+z-group.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na