skakel-081966
 
top20btn

Die DA se federale komitee het gistermiddag formele aanklagte teen die Wes-Kaapse premier, Helen Zille, gelê oor haar Twitter-opmerkings oor kolonialisme.

Die party se federale voorsitter, James Selfe, sê sy is daarvan aangekla dat sy die party in oneer gebring en benadeel het.

Hy sê die DA sal ná oorlegpleging met Zille se prokureurs ‘n datum vasstel vir ‘n formele verhoor en die proses kan etlike maande lank duur om afgehandel te word.

 

 

Die mosie van wantroue in president Jacob Zuma in die Nasionale Vergadering is uitgestel.

Die speaker, Baleka Mbete, het dit in ’n brief aan die DA se hoofsweep, John Steenhuisen, bevestig.

Sy het gister in ’n verklaring gesê sy het versoeke van die UDM en die EFF ontvang om die debat oor die mosie uit te stel hangende die konstitusionele hof se uitspraak in die aansoek van die UDM om LP’s toe te laat om geheime stembriewe te gebruik wanneer hulle daaroor stem.

Die mosie van wantroue was aanvanklik vir 18 April geskeduleer.

 

Die Bulle het erken dat hulle onder finansiële druk verkeer  maar beklemtoon dat  daar  geen krisis by Loftus Versfeld  is nie.

Hare sê daar is verkeerdelik berig dat die rugbyunie uit nood sy 50 persent aandeel in die Blou Bulle Maatskappy  wil verkoop as ’n lewensboei.

 

Die internasionale kredietgraderingsagentskap - Fitch - het intussen vyf Suid-Afrikaanse handelsbanke, bankhouermaatskappye, staatsinstansies en 'n selfoonreus tot rommelstatus afgegradeer.

Die banke Absa, FirstRand, Investec, Nedbank en Standard Bank se langtermyn-valutagradering is van BBB minus na BB plus afgegradeer.

Fitch het ook die langtermyn-valutagradering van vier houermaatskappye waar onder Investec Limited en die Nedbank-groep afwaarts aangepas.

 

  1. Talleondersteuners van opposisiepartye en burgerlike organisasies het op Kerkplein in Pretoria begin aankom vir 'n massaoptog later vanoggend na die Uniegebou.

Die partye eis dat President Jacob Zuma bedank na sy onlangse kabinetskommeling, wat daartoe gelei het dat Suid-Afrika se kredietgradering kort na die nuus  deur twee agentskappe tot rommelstatus verlaag is.

Die jongste massaoptog volg nadat duisende mense verlede week aan ‘n soortgelyke optog na die Uniegebou onder leiding van Save South Africa  deelgeneem het.

 

Die Reuters nuusagentskap berig dat Maleisiese owerhede op agtien renosterhorings ter waarde van sowat drie-komma-een-miljoen dollar beslag gelê het wat in houtkratte op die Kuala Lumpur internasionale lughawe versteek was.

Die kratte is van Mosambiek af met vals dokumente na Maleisië versend.

Niemand is in verband met die vonds gearresteer nie en die polisieondersoek duur voort.

 

Die helfte van ‘n kamp wat huisvesting aan sowat een-duisend-500 Koerdiese en Afgaanse migrante buite die Franse stad Dunkirk verskaf, is nà ‘n geveg tussen die twee groepe in ‘n reuse brand verwoes.

Ses van die migrante het steekwonde in gisteraand se bakleiery opgedoen.

Franse owerhede  was van plan om die kamp te sluit as gevolg van gereelde skermutselings tussen die twee groepe.

 

Vakbonde wat busbestuurders verteenwoordig het werkgewers tot vanmiddag tyd gegee om met hulle in gesprek te tree om 'n landwye staking af  te weer.

Duisende busbestuurders is oorgehaal om môre te begin staak nadat loononderhandelings op ‘n dooiepunt uitgeloop het.

Hulle eis 'n salarisverhoging van 15-persent en wil ook oortyd betaal word vir Sondae en openbare vakansiedae.

 

Die uitvoerende hoof van die Australiese Rugby-unie, Bill Pulver, sê hy sal onmiddellik bedank indien die direksie voel dit sal in die beste belang van Australiese rugby wees.

Die voormalige Wallaby-afrigter, Bob Dwyer, het ’n beroep op Pulver en die unie se direksie gedoen om te bedank oor hul hantering van die proses wat aanleiding gegee het tot die herstrukturering van die Superrugby-reeks.

Australië moet sy vyf Superrugbyspanne tot vier verminder.

 

Die man wat vir die moord van sy driejarige tweeling aangekeer is, sal na verwagting vandag in die landdroshof in Wynberg, Kaapstad, verskyn.

Die 48-jarige Mario Cavadias is Donderdag in hegtenis geneem nadat hy na bewering sy kinders, Maximo en Octavia, in sy woonstel in Houtbaai vermoor het.

Die polisie sê Cavadias kon nog nie amptelik aangekla word of in die hof verskyn nie, omdat hy Vrydag in die hospitaal opgeneem is nadat hy glo in die selle van die Houtbaai-polisiekantoor probeer het om sy eie lewe te neem.

 

 Die Vrystaatse premier en voorsitter van die ANC in die provinsie, Ace Magashule, sê president Zuma sal president van Suid-Afrika bly omdat hy demokraties verkies is.

Hy het op ‘n vergadering in Bloemfontein in reaksie op Vrydag se optogte waartydens derduisende mense reoor die land Zuma se bedanking geëis het, gesê hy sal voortgaan om Zuma en die ANC te verdedig.

Hy het volgens Netwerk24 ook gesê die ANC het mense in 23 jaar van regering polities bevry, maar die ekonomie, wat steeds deur ’n groepie wit mans oorheers word, is nog nie bevry nie en die ekonomiese monopolie moet gebreek word.

 

Pick n Pay
Paratus
Sample01
Sample02
Sample03
  • spec-savers.jpg
  • Erindi-Ad.jpg
  • m+z-group.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na