skakel-081966
 
top20btn

Uit Zimbabwe word berig dat die land se beleërde vise-president, Joyce Mujuru, haar lidmaatskap van die regerende ZANU PF party se sentrale komitee verloor het en  haar amp kan verloor.

Sy is die afgelope weke geteister deur die staatsmedia en pres. Robert Mugabe se vrou, Grace, wat haar indirek daarvan beskuldig het dat sy Mugabe wil vermoor.

Die Seriti-kommissie van ondersoek na bewerings van bedrog en korrupsie by  die omstrede 1999 wapentransaksie het belastingbetalers tot dusver meer as 83 miljoen rand gekos.

Dié inligting is deur die minister van justisie ,Michael Masutha, verstrek in ‘n geskrewe antwoord op ‘n vraag deur  die DA parlementslid David Maynier.

Minstens twee Eskom-werknemers is in verband met bedrog in hegtenis geneem wat tot verliese van miljarde rand vir die kragvoorsiener kon lei.

‘n Woordvoerder van die polisie se Valke-eenheid, Paul Ramaloko sê die twee het   in Eskom se inligtingstegnologie-afdeling gewerk en het glo probeer om  die maatskappy se betalingstelsel te manipuleer.

Die eerste Italianer wat die Ebola-virus opgedoen het,  is in ’n stabiele toestand ná hy uit Sierra Leone na sy tuisland geneem en in ’n hospitaal se spesiale sorgeenheid in Rome opgeneem is.

Die man, ’n mediese dokter, het op 18 Oktober na Sierra Leone vertrek  om vir ‘n Italiaanse mediese hulpagentskap te gaan werk.

Meer as 45 mense  is gister dood  in twee bomaanvalle in die noordoostelike Nigeriese stad Maiduguri.

Die militante Islamitiese Boko Haram groep word van die aanvalle verdink.

Die hoofswepe van die DA, die EFF en die Vryheidsfront Plus  dring daarop aan dat pres. Jacob Zuma môre tydens 'n spesiale sitting in die parlement moet verskyn om vrae oor die omstrede opgraderings aan sy private woning op Nkandla  te beantwoord.

Die veelpartyforum het gister byeengekom om die program vir die spesiale sitting te bespreek.

Die Palestynse-leier Magmoed Abbas is in Pretoria vir samesprekings met president Jacob Zuma.

Die Australiese aanvangskolwer, Phil Hughes, het ‘n noodoperasie in ‘n hospitaal in Sydney ondergaan nadat hy in 'n Sheffield Shield-wedstryd ernstig beseer is toe hy deur Sean Abbott teen die kop geboul is.Die 25-jarige Hughes het 63 lopies aangeteken voordat hy deur 'n opslagbal getref is toe hy 'n trekhou wou uitvoer.

Frankryk het Noord-Korea gewaarsku dat hy deur nog sanksies van die Verenigde Nasies in die gesig gestaar sal word indien hy uitvoering gee aan sy dreigemente om ‘n kerntoets uit te voer.Dit volg nadat Noord-Korea woedend gereageer het op ‘n VN-resolusie dat die land na die Internasionale Misdaadhof verwys moet word vir misdade teen die mensdom.

Boere in die sentrale dele van die land is hard besig om te saai en te plant ná die goeie reën die afgelope tyd.Goeie reën het die afgelope naweek in die Vrystaat en dele van die Noord-Kaap, Noordwes en Gauteng uitgesak

Die moordenaar en verkragter van Griekwastad, die 18-jarige Don Steenkamp, word in ’n enkelsel in die Kimberley-gevangenis aangehou.Die adjunk-streekkommissaris van Korrektiewe Dienste in die Vrystaat en Noord-Kaap, Grace Molatedi, sê weens Steenkamp se ernstige misdade en swaar straf, word hy eerder in ’n enkelsel weg van die ander jeugdiges aangehou.

Pick n Pay
Paratus
Sample01
Sample02
Sample03
  • spec-savers.jpg
  • m+z-group.jpg
  • Erindi-Ad.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na