skakel-081966
 
top20btn

  ‘n Rekord 65-komma-ses miljoen mense was aan die einde van 2016 wêreldwyd òf vlugtelinge, òf asielsoekers òf mense wat in hul eie lande ontwortel is.

Die Verenigde Nasies se hoëkommissaris vir vlugtelinge, Filippo Grandi, bestempel dit is ‘n ontmoedigende mislukking van internasionale diplomasie.

Volgens hom is dit ‘n simbool van oorloë wat nooit eindig nie, en dit lyk of die wêreld nie in staat is om vrede te maak nie.

Grandhi sê 84-persent van die wêreld se ontwortelde mense lewe in arm en middel-inkomste lande.

 Die Wes-Kaapse LUR vir ekonomiese geleenthede en toerisme, Alan Winde, sê minstens twee-duisend mense is na raming sonder werk weens die onlangse verwoestende brande in Knysna.

Hy vergader vandag in Kaapstad met lede van sy departement om onder meer die kwessie van die huidige werkloosheid te bespreek.

Winde sê daar sal spesifiek gekyk word na waar gehelp kan word met ’n tekort aan vaardighede.

Verskeie mense is beseer toe ‘n man met ‘n voertuig tussen ‘n skare mense naby die Finsbury Park-moskee in die noorde van Londen ingejaag het.Die Moslemraad van Brittanje sê die man het doelbewus tussen aanbidders ingejaag pas nadat hulle Ramadan-aandgebede in die moskee bygewoon het.Hy is in hegtenis geneem.Geen ongevallesyfers is al bekend nie.

Pakistan het die Kampioenetrofee gewen nadat hulle die verdedigende kampioene, Indië, op die Oval in Londen in die eindstryd met 180 lopies verslaan het.Pakistan het 338 vir vier in sy 50 boulbeurte aangeteken en Indië in die 31ste boulbeurt vir 158 lopies uitgeboul.Pakistan se aanvangskolwer, Gakhar Zaman, het 114 lopies van 106 balle geslaan en was die speler van die wedstryd.

Die Junior Springbokke het die bronsmedalje in die Junior Wêreldtoernooi vir onder-20’s in Tbilisi, Georgië, ingepalm nadat hulle met 37-15 teen Frankryk gewen het -- dieselfde telling waarmee die Springbokke ook Saterdag vir Frankryk in Durban geklop het.Die Jong Bokke was rustyd met 8-7 agter.Nieu-Seeland het hulle sesde Onder-20-kampioenskaptrofee gewen toe hul Engeland in  die eindstryd met 64-17 verslaan het.Die Baby Blacks het rustyd reeds met 40-7 voorgeloop.

Portugal het ‘n routydperk van drie dae afgekondig vir die 61 slagoffers van die land se dodelikste bosbrande.Baie van hulle is dood in hul motors gevind terwyl hul probeer het om uit die Pedrogao Grande-omgewing, sowat 50 kilometer suidoos van die stad, Coimbra, te vlug.n Aantal mense word nog vermis en meer as 50 is ook beseer.Honderde brandbestryders spook nog om die brande op verskeie fronte onder beheer te kry.

Rugby:  Nieu-Seeland het Samoa op Edenpark in Auckland met 78-0 verslaan.

Die All Blacks het 12 drieë gedruk en rustyd reeds met 28-0 voorgeloop.

Vroeër het Wallis met 24-6 teen Tonga gewen.

 President Robert Mugabe van Zimbabwe se onlangse dreigemente van hernude grondgrypery om die laaste oorblywende wit kommersiële boere van hul eiendom te verwyder, het ‘n tot ‘n nuwe vlaag van grondbesettings gelei.

  1. Trevor Manhanga, wat met die regerende Zanu-PF party verbind word, is onder meer deur dorpenaars na die hof gesleep omdat hy grond op ‘n plaas in Manicaland, wat aan Robert Smart behoort, beset het om ‘n kerk te bou.

Hofdokumente wys dat die minister van grondsake, Douglas Mombeshora, toestemming aan Manhanga gegee het om die grond te beset ondanks ‘n verslag van die nasionale museums- en monumente-raad dat Machinya Hills, wat op die plaas geleë is, argeologiese plekke het wat toeriste kan lok.

 Kenners meen die nuwe Mynbouhandves sal beleggers afskrik, plaaslike vervaardiging onder druk plaas en tot groot werksverliese lei.

Hulle het aan Sake24 gesê dit is definitief nie iets wat die land nou nodig het aan die begin van ’n resessie en met graderingsagentskappe wat reeds Suid-Afrika se staatskuld tot onder beleggingsgraad afgegradeer het nie.

Die minister van Minerale Bronne, Mosebenzi Zwane, het die omstrede dokument – wat bepaal dat alle mynmaatskappye aan swart ekonomiese bemagtigings- en ander vereistes moet voldoen – gister in Pretoria bekend gestel.

 Rugby:  Wallis het Tonga in ‘n toets in Auckland met 24-6 geklop.

Die rustydtelling was 8-3.

Daar word gevrees dat die dodetal weens die brand in ‘n 24-verdieping-woonstelgebou in Londen tot meer as 60 kan styg.

Ses van die 17 liggame wat reeds gevind is, is al uitgeken.

Volgens amptenare is 35 mense in hospitale en is 15 van hulle in ‘n kritieke toestand.

Talle mense word ook nog vermis.

Pick n Pay
Paratus
Sample01
Sample02
Sample03
  • spec-savers.jpg
  • Erindi-Ad.jpg
  • m+z-group.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na