skakel-081966
 
top20btn

Krieket Suid-Afrika het sy span van 15 spelers vir die Internasionale Krieketraad se kampioenskaptrofee in Engeland aangekondig.Keshav Maharaj is vir die eerste keer ingesluit in 'n internasionale eendagspan na 'n indrukwekkende toetsdebuut dié seisoen.Die Proteas se afrigter, Russell Domingo, sê hy kan nie net die voorslag draaier,  Imran Tahir, aanvul nie maar kan ook ’n groot bate met die kolf in die laer orde wees.

Die Demokratiese Alliansie het die tussentydse raad van die SAUK gevra om sy voormalige bedryfshoof, Hlaudi Motsoeneng, te ontslaan nadat hy gister in Johannesburg 'n nuuskonferensie oor die openbare uitsaaier gehou het.Die DA voer aan dat Motsoeneng die SAUK se gedragskode verbreek het.Die Wes-Kaapse hooggeregshof het vroeër beslis dat Motsoeneng nie enige pos by die SAUK kan beklee voordat sy tugverhoor nie afgehandel is nie.

Die Suid-Afrikaanse minister van basiese onderwys, Angie Motshekga, sê geen staatskool, die sogenaamde Model C-skole inkluis, word in hul onderrig- en leeromgewing toegelaat om wanvoorstellings te maak van individue of organisasies óf om hulle te bespot nie.Sy het gereageer op die eks-vrou van pres. Jacob Zuma,  Nkosazana Dlamini-Zuma se uitlatings verlede week in die Vrystaat dat veral kinders in voormalige Model C-skole geleer word om teen die ANC te wees.Dlamini-Zuma streef daarna om in Desember die volgende ANC-president te word.

 

Die minister van finansies se raadgewer, Chris Malikane, het 'n beroep op die nasionale tesourie gedoen om oopkop te wees vir ander sienswyses nadat hy onder meer daarvan beskuldig is dat hy met sy nasionaliseringspraatjies wil toesien dat Suid-Afrika dieselfde pad as die bankrot Venezuela loop.

Malikane het onder meer gesê dat banke, myne en die Reserwebank genasionaliseer behoort te word.

 

Die Springbok-stut Lourens Adriaanse sluit hom aan die begin van die 2017-’18-seisoen by Pau aan nadat hy ’n kontrak van drie jaar met die Franse rugbyklub onderteken het.

Pau het die nuus gister op Twitter bevestig.

Die 29-jarige Adriaanse , wat ses toetse vir die Bokke gespeel het, is sedert 2014 ’n staatmaker in die Haaie se voorry.

 

Die voorstel deur die Britse eerste-minister, Theresa May, dat ‘n algemene verkiesing op 8 Junie gehou word, sal na verwagting vanmiddag tydens ‘n stemming deur’n twee-derde meerderheid  parlementslede goedgekeur word.

Die leier van die opposisie Arbeidersparty, Jeremy Corbyn, het haar aankondiging verwelkom.

My sê sy wil die steun van die Britse volk vir haar onderhandelings oor Brexit verkry.

 

Man wat daarvan aangekla word dat hy sy ma vermoor het omdat sy glo ’n heks was, verskyn vandeesweek in die landdroshof op Tonga in Mpumalanga.

Hy is in hegtenis geneem nadat hy Sondag sy ma eers van heksery beskuldig het en haar toe met ’n skêr doodgesteek het.

Die polisie en paramedici is na die toneel ontbied, waar die vrou dood verklaar is.

 

Die burgemeester van Johannesburg, Herman Mashaba, sê hy gaan strafregtelike klagtes teen ANC-raadslede indien.

Dit volg nadat 'n vergadering by 'n skool in Midrand om die stad se geïntegreerde ontwikkelingsplan te bespreek, gewelddadig ontwrig is.

'n Aantal mense , onder wie 'n plaaslike wyksraadslid, is beseer en skooleiendom beskadig

 

Polisie in die Amerikaanse deelstaat Pennsilvanië sê die man wat 'n video op Facebook geplaas het waarin hy 'n bejaarde man doodskiet, het sy eie lewe geneem.Steve Stephens, ‘n Afro Amerikaner, het homself geskiet toe hy gekonfronteer is.Facebook het intussen aangekondig dat hy die wyse gaan hersien waarop gewelddadige videos en ander ongewenste  materiaal hanteer word.

Die Britse Laerhuis sal  vandag stem oor die Britse eerste minister, Theresa May, se voorstel vir ‘n vroeë algemene verkiesing op 8 Junie.Sy sê Brittanje het sekerheid, stabiliteit en sterk leierskap nodig ná die Brexit-referendum.Die premier  sê opposisiepartye se gemor en teenkanting ondermyn die Britse regering se onderhandelings met die Europese Unie oor Brexit.

Die polisie in Frankryk het twee vermeende Islamitiese ekstremiste gearresteer wat 'n terreuraanval beplan het voor Sondag se presidentsverkiesing in dié land.Die Franse minister van binnelandse sake, Matthias Fekl, sê die verdagtes was op die punt op die terreuraanval uit te voer toe hulle in hegtenis geneem is.Die eerste rondte van die Franse verkiesing vind op 23 April plaas met die twee topkandidate wat op 7 Mei sake sal uitspook om president te word.

Pick n Pay
Paratus
Sample01
Sample02
Sample03
  • Erindi-Ad.jpg
  • spec-savers.jpg
  • m+z-group.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na