skakel-081966
 
top20btn

Die beserings wat Henri van Breda aan sy borskas en linkerarm gehad het nadat ’n aanvaller hom glo op 27 Januarie 2015 met ’n mes beseer het, is waarskynlik self toegedien.So het die distriksgeneesheer van Stellenbosch,   dr. Lizette Albertse , gisterin die hooggeregshof in Kaapstad getuig.Van Breda , wat van moord op sy ouers en ouer broer en poging tot moord  op sy suster Marli  aangekla word, voer aan dat  ‘n inbreker sy gesin vermoor het.

n Groep werklose gegradueerdes dring nou daarop aan dat hulle ook ’n maatskaplike toelae ontvang om hulle in staat te stel om werk te soek.Lede van die Hire-A-Graduate-veldtog sê omdat hulle sonder inkomste sit, kan hulle nie data beskostig om op die internet vir werk te soek nie en het hulle nie taxigeld om vir onderhoude te gaan nie.Die groep van sowat honderd mense het gister na die department van maatskaplike ontwikkeling  en toe na die nasionale tesourie in Pretoria geloop.

Die Suid-Afrikaanse Lugdiens se korporatiewe plan om die lugdiens van finansiële ineenstorting te red, is aan die parlement se oorsigkomitee oor finansies voorgelê.Die lugdiens sê van sy  strategieë om finansieel selfstandig te word, sluit in die  die samesmelting van die SAL en SA Express, die herkapitalisering van die  staatsbeheerde lugdiens en die verkryging van 'n private ekwiteitsvennoot.SAL het oor die jare reeds meer as 19 miljard rand se waarborge van die Staat ontvang.

Die president van die Suid-Afrikaanse Reserwebank, Lesetja Kganyago, sê 'n verhoging van die uitleenkoers in die buurland sal nie bydra om nuwe beleggers na die land te lok ná die afgradering van Suid-Afrika se kredietgradering na rommelstatus nie. Kganyago, sê die Reserwebank sal by sy inflasiemikpunt van tussen drie en ses persent hou. Die rand het meer as twaalf persent geval ná President Jacob Zuma se onlangse besluit om Pravin Gordhan as minister van Finansies af te dank. Kganyago sê druk op die rand, asook versnelde inflasie in die lig van beleggers se verkope van plaaslike bates, kan die Reserwebank in die buurland noop om die verlaging van koerse uit te stel. 

Die goewerneur van die Omaheke-streek, Festus Ueitele, sê die oorgrensmisdaad tussen Namibië en Botswana skep ’n probleem wat hy binnekort met sy eweknie in Botswana sal bespreek.

Die ANC het die buurland se Minister van Openbare Ondernemings, Lynne Brown en die raad van Eskom opdrag gegee om Brian Molefe se heraanstelling as uitvoerende hoof van die kragverskaffer terug te trek.Die sekretaris-generaal van die party, Gwede Mantashe, sê Brown is vir 'n vergadering na Luthuli Huis in Johannesburg ontbied waar sy aangesê is om haar besluit te herroep.Volgens Mantashe is daar aan Brown gesê dat die saak waarskynlik in die hof sal eindig.Die woordvoerder van die ANC, Zizi Kodwa het vroeër in reaksie op ANC-amptenare se ontevredenheid met die situasie gesê die kwessie is na die regering verwys vir 'n oplossing.Kodwa het Vrydag toe die nuus oor Molefe se heraanstelling bekendgemaak is, in 'n verklaring gesê die ANC meen die stap is roekeloos en betreurenswaardig.  

  1. Bulls se slot, RG Snyman, is vir vier weke geskors nadat hy skuldig bevind is aan vuilspel in Saterdag se Superrugbywedstryd teen die Highlanders in Pretoria.

Hy is sowat tien minute voor die einde van die kragmeting met ‘n rooikaart gestraf nadat hy ‘n teenstander met die skouer geloop het in ‘n losskrum.

Snyman het skuld erken.

  1. Highlanders se vleuel, Waisake Naholo, wat ook ‘n rooikaart gekry het, is deur ‘n Sanzaar-tugkomitee vir ’n week geskors vir ‘n skouerloop op die Bulls se senter, Burger Odendaal.

Die Stad Kaapstad het met onmiddellike effek vlak 4-waterbeperkings ingestel.

Inwoners sal voortaan slegs water kan gebruik vir kook, om mee te was en om te drink.

Volgens ‘n raadslid, Xanthea Limberg, is ʼn kritieke punt in die droogtekrisis bereik.

Alle ondernemings en inwoners is versoek om die nie-noodsaaklike gebruik van munisipale water dadelik te staak.

Damvlakke in die Wes-Kaap staan tans op 21-komma-twee persent, oftewel 11-komma-twee persent, omdat die laaste 10-persent nie bruikbaar is nie.

Die minister van Finansies, Malusi Gigaba, sê dit is noodsaaklik dat sake-ondernemings in wit hande, hul volle steun aan ekonomiese transformasie gee.

Hy het volgens Fin24 voor die Black Business Council in Johannesburg gesê dít moet gedoen word deur ondernemings van swartmense, vroue en jeugdiges te steun.

Gigaba het uitgevaar teen ongelykheid en die monopolisering van die ekonomie en gesê dat rykdom in die hande van ’n klein groepie is en bepaal word deur ras, geslag en klas.

 Die departement van Binnelandse Sake gaan burgers van alle Afrikalande sonder visums in Suid-Afrika toelaat.

Dit volgens die departement se jongste witskrif oor internasionale migrasie wat ses weke gelede deur die kabinet goedgekeur is.

Dit sal aanvanklik net vir diplomate, amptenare, sakelui, akademici en studente geld.

Volgens die witskrif sal daar sterk gefokus word om geskoolde migrante te lok, en visums sal op ’n kwotagrondslag aan ongeskoolde migrante verleen word.

Superrugby:  Die Southern Kings pak die Brumbies Saterdagaand in Port Elizabeth sonder twee van hul mees dinamiese spelers.Die baljagter Chris Cloete en die aanvallende heelagter Masixole Banda sukkel albei met beserings en sal nie teen die Australiërs kan speel nie.Cloete het harsingskudding in die Kings se sege die afgelope naweek oor die Haaie opgedoen terwyl  Banda weer sy regterdyspier in die wedstryd  beseer het.

Pick n Pay
Paratus
Sample01
Sample02
Sample03
  • spec-savers.jpg
  • Erindi-Ad.jpg
  • m+z-group.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na