skakel-081966
 
top20btn

Verskeie huise en hutte is in die vroeë oggendure in Mamelodi, buite Pretoria, met petrolbomme aangeval en beskadig tydens botsings onder inwoners.

Volgens die polisie het die geweld uitgebreek nadat ‘n beskadigde transformator tot ‘n kragonderbreking in die gebied gelei het.

Die polisie was teen vanoggend steeds in die gebied om die toestand te monitor.

 Die Wes-Kaapse LUR vir onderwys, Debbie Schäfer, sê ‘n verslag van die onderwysdrukgroep, Equal Education, oor ’n krisis in Wes-Kaapse skole is onwetenskaplik en kan nie as geloofwaardig beskou word nie.

Die verslag handel oor haglike toestande in skole weens geweld en swak sanitasie, en volgens die drukgroep het hy ‘n opname by 244 skole met meer as 217-duisend leerlinge gedoen.

Schäfer sê die departement is bewus van skole se instandhoudingsvereistes, wat sanitasie insluit, en dit is onwaar dat sy of haar departement nie omgee oor geweld en probleme met sanitasie in skole nie.

Cheetahs-senter, Francois Venter, is aangewys as kaptein van Suid-Afrika se A-span wat môreaand in die Orlando-stadion in Soweto in die tweede wedstryd teen die Franse Barbarians te staan kom.Suid-Afrika-A het die eerste kragmeting verlede week met 36-28 gewen.Altesaam 13 veranderings is aan die beginspan aangebring vir môre se wedstryd.

Engeland het Suid-Afrika in die eerste van drie T20-wedstryde in Southampton met nege paaltjies verneder. Suid-Afrika het 142 vir drie in sy 20 boulbeurte aangeteken en Engeland het geantwoord met 143 vir een met nog 33 balle oor.AB de Villiers was nie uit nie met 65 lopies van 58 balle en Farhaan Behardien met 64 lopies van 52 balle en in Engeland se beurt het Jonny Bairstow ‘n onoorwonne 60 lopies van net 35 balle aangeteken.Wayne Parnell het in twee boulbeurte 26 lopies afgestaan.

Drie mans is in Zimbabwe in hegtenis geneem omdat hulle na bewering olifante met sianied vergiftig het.Sover bekend, is minstens tien olifante dood in die jongste voorvalle van vergiftiging naby die Hwange Nasionale Park.Die staatsbeheerde Chronicle-koerant sê die polisie en wildbewaarders het ‘n klopjag op ‘n huis in die Tsholotsho-distrik uitgevoer en die verdagtes gearresteer.n Vierde een het weggekom.

Die Konstitusionele Hof sal vandag uitspraak lewer in die UDM se aansoek dat die Nasionale Vergadering ’n geheime stemming moet hou oor ’n mosie van wantroue in president Jacob Zuma.Die stemming sou reeds op 18 April plaasgevind het, maar opposisiepartye het gevra dat dit uitgestel word hangende die aansoek in die konstitusionele hof.Opposisiepartye hoop dat ANC-parlementslede weens hul anonimiteit teen Zuma sal stem.Die hof is ook gevra dat die speaker, Baleka Mbete, se weiering op 6 April van ’n geheime stemming vir mosies van wantroue, tersyde gestel word.

Inflasie het in Mei effens  tot vyf-komma-vier persent gestyg nadat dit in April tot vyf-komma-drie persent , die laagste vlak in 16 maande, geval het.

Volgens Statistieke Suid-Afrika het verbruikersprysinflasie tussen April en Mei met nul-komma-drie present gestyg.

Kosprysinflasie het tot sewe present  gestyg met veral vleis wat baie duurder is.

Volgens die jongste peiling van die Instituut vir Rasse-aangeleenthede ontvang meer mense in Suid-Afrika welsynstoelae as wat daar mense is wat werk het.

In 2016 het  meer as 15 en ‘n half  Suid-Afrikaners werk gehad, maar meer as 17-miljoen het welsynstoelae van die Staat ontvang.

Gerbrandt van Heerden, ontleder van die instituut  sê dis ’n resep vir maatskaplike en politieke chaos omdat  die resessie daartoe gaan lei dat  die vraag na toelaes toeneem en die Staat gaan sukkel om almal gelukkig te hou.

’n Man is in ’n kritieke toestand en ’n kind beseer toe hulle gisteraand by hul huis deur honde in Athlone op die Kaapse Vlakte aangeval en verskeie kere gebyt  is.

ER24 sê  twee honde het oor die muur gespring en hulle aangeval terwyl hulle buite  gesit het.

Die 56-jarige man het ernstige bytwonde opgedoen toe hy die driejarige meisie probeer beskerm het.

Absa gaan die hooggeregshof  nader om die verslag van die openbare beskermer  te hersien en tersyde te laat stel.

Die bank sê verskeie wanvoorstellings en feitelike onakkuraathede vorm die grondslag van die verslag wat  die openbare beskermer  uitgereik het.

Dit handel oor die reddingspakket van een-komma-125 miljard rand wat die Reserwebank in die 1980’s en 1990’s aan Bankorp verskaf  om te keer dat dié bank vou.

Sewentien jong kinders is verlam nadat polio in die geweldgeteisterde Sirië uitgebreek het.Twee polio-gevalle  is vroeër die maand in die Deir al-Zour provinsie  aangemeld wat grootliks deur die sogenaamde Islamitiese Staat groep beheer word.Veertien nuwe gevalle van die hoogs aansteeklike virussiekte   het in dié provinsie voorgekom terwyl een in die Raqqa  provinsie aangemeld is.

Pick n Pay
Paratus
Sample01
Sample02
Sample03
  • Erindi-Ad.jpg
  • spec-savers.jpg
  • m+z-group.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na