skakel-081966
 
top20btn

Die Demokratiese Alliansie het 'n beroep op die minister van finansies, Pravin  Gordhan gedoen om eerder te fokus op die beperking van staatsuitgawes as op belastingverhogings wanneer hy vanmiddag sy begrotingsrede lewer.

Die DA se skadu-adjunkminister van Finansies, David Ross sê hulle sal graag 'n omvattende hersiening van staatsuitgawes op alle regeringsvlakke wil sien.

Daar word verwag dat belasting op toegevoegde waarde of te wel BTW verhoog gaan word.

 

 Die Suid-Afrikaanse krieketkaptein, AB de Villiers sê sy span se kolfvertoning het hulle in die steek gelaat in die tweede eendag-internasionale wedstryd teen Nieu-Seeland in Christchurch.

Die Nieu-Seelanders het die Proteas met ses lopies geklop.

De Villiers sê  dat daar nie genoeg goeie vennootskappe onder die kolwers was nie.

 

‘n 26-jarige man is gister  dood na hy deur  ‘n haai gebyt is terwyl hy besig was om branderplank  by Reunion eiland in die Indiese Oseaan te ry.

Die man, ‘n voormalige haai-wag, het doodgebloei nadat die haai deur ‘n hoofslagaar in sy been gebyt het.

Volgens die plaaslike owerhede was alle swem en watersport in die spesifieke gebied verbode.

 

Die Hooggeregshof in Pretoria het beslis dat die Suid-Afrikaanse regering se besluit om hom aan die Internasionale Strafhof te onttrek, ongrondwetlik en ongeldig was.

Regter Phineas Mojapelo het beslis dat die besluit voortydig was en die goedkeuring van die Parlement verkry moes word.

Die DA het aangevoer dat die minister van justisie, Michael Masutha, die parlement op 'n onwettige wyse gesystap het toe hy met die proses vir die onttrekking begin het.

 

Die tussentydse bewaringsbevel teen die voormalige Wes-Kaapse polisiehoof, lt. genl. Arno Lamoer,   en vier van sy medebeskuldigdes  is vir drie weke uitgestel.Die tussentydse aansoek, wat op 24 November 2016 teen die verweerders en respondente bekragtig is, is uitgestel tot 14 Maart hangende die finalisering van skikkingsonderhandelinge tussen die partye.Dit kom nadat die batebeslagleggingseenheid einde November 2016 ’n voorlopige bewaringsbevel vir die beskuldigdes se bates bekom het.

Die BBC het vasgestel dat ‘n Britse lid van die  Islamitiese Staat wat in ‘n selfmoord aanval op Irakse magte naby die Irakse stad Mosoel dood is, voorheen  deur Amerikaanse owerhede  in  Guantanamo baai  gevange gehou is.Die man wat voorheen as Ronald Fiddler bekend gestaan het, het vroeër die week  ‘n motorbom by ‘n Irakse leërbasis  suidwes van  Mosoel laat ontplof.

Die regering werk onverpoosd om die uitbreking van knoppiesvelsiekte in die Otjozondjupagebied te beveg. Die siekte is aanvanklik op Otjituuo aangemeld en het nou na Okondjatu versprei.

Swaar reëns sak oor groot dele van die land uit  en in Noordwes is groot reënskade aan paaie aangerig en treindienste  ontwrig.

Hoofroetes, insluitende die N4 tussen Groot Marico en Swartruggens, is vir verkeer gesluit en treindienste tussen Rustenburg en Mahikeng is opgehef.

Dit sous ook in Gauteng en die reën het vanoggend chaos op  paaie in die provinsie veroorsaak.

Intussen word verdere deurdringende reën vir die res van die week voorspel vir Gauteng, dele van Mpumalanga, Limpopo en die Vrystaat

 

Uit Brittanje word berig dat vyf  tieners in Londen in hegtenis geneem is wat vermoedelik  by 'n Islamitiese terreurgroep aangesluit  en 'n terreuraanval in dié land beplan  het.

Die polisie probeer vasstel  aan watter terreurgroep die vyf behoort en watter teikens in hulle visier was.

Britte het die afgelope tyd erg te velde getrek teen pres. Donald Trump se optrede om radikale Moslems van sekere lande uit die VSA te hou.

 

President Robert Mugabe van Zimbabwe is vandag 93 jaar oud  maar regeer  die land steeds met ‘n ysterhand .

Sy verjaardag word vanjaar by die Matoppo-heuwels in Matebeleland-Suid gevier  en 150 beeste sal geslag word vir die sowat 100-duisend gaste wat verwag word.

President Mugabe se vrou Grace reken dat haar man so gewild onder Zimbabwiërs  is dat hy hulle vir hom sal stem al is hy dood. 

 

’n Dief genaamd Spiderman  is in Frankryk tot agt jaar tronkstraf  gevonnis vir sy aandeel in een van die mees gewaargde kunsdiefstalle  die afgelope paar jaar.Vjeran Tomic het erken dat hy in 2010 vyf  skilderye  ter waarde van 110 miljoen dollar uit die museum vir moderne kuns in Parys gesteel het.

Pick n Pay
Paratus
Sample01
Sample02
Sample03
  • Erindi-Ad.jpg
  • m+z-group.jpg
  • spec-savers.jpg
Kosmos aanvaar geen aanspreeklikheid vir die gebruik van en die akkuraatheid van die inhoud van die webtuiste nie.



clearcreative-logo
© Copyright 2017 , All Rights Reserved
Kontak Ons
+264 61 255 985
+264 61 255984
info@kosmos.com.na
verkeer@kosmos.com.na
www.kosmos.com.na