|
MDC kry bloedneus by Veiligheidsraad |
|
|
|
|
Woensdag, 30 April 2008 |
|
Tendai Biti, die sekretaris-generaal van die MDC, kon nie die Veiligheidsraad van die VN oortuig om in te gryp in Zimbabwe nie. Die raad was erg verdeel oor die gedagte dat `n VN sending na Zimbabwe gestuur moes word.
Volgens Dumusani Kumalo, die Suid-Afrikaanse verteenwoordiger by die VN
en die man wat tans die voorsitterstoel by die Veiligheidsraad inneem,
was die enigste saak waaroor al die lede saamgestem het dat die uitslag
van die verkiesing so gou as moontlik bekend gemaak moet word.
Brittanje, die VSA en Frankryk was ten gunste daarvan dat `n VN sending
na Zimbabwe onderneem word. Suid-Afrika, Rusland en Sjina het die
voorstel egter sterk teengestaan.
|
