Ondersteuners van Zimbabwe se hoof-opposisieparty, die Beweging vir Demokratiese Verandering, het die internasionale druk op die regerende party om die verkiesingsuitslae bekend te maak, verwelkom. ‘n Professor in politieke wetenskappe aan die Universiteit van Zimbabwe in Harare, John Makumbe, sê Zimbabwiërs wil die einde sien van die ekonomiese en politieke krisis in die land. Hy sê vir die eerste keer lyk dit of daar betekenisvolle reaksie van die internasionale gemeenskap en selfs van die SAOG en Afrika ten gunste van die mense van Zimbabwe eerder as vir Robert Mugabe is.