Zimbabwe se MDC-opposisie het hom op internasionale ingryping beroep en gewaarsku dat die land besig is om in 'n "oorlogsone" te verander.

Die Mugabe-regime word beskuldig dat hy 'n beleid van "daadwerklike hongersnood" volg deur kosvoorrade af te sny van gebiede wat as opposisievestings bekend is.

Die MDC-leier, Morgan Tsvangiray, skuil tans in Suid-Afrika. Hy sê honderde huise is afgebrand en minstens 3 000 gesinne is ontwortel.

'n Menseregtevereniging het in die naweek gesê die regime is besig om "martelkampe" te bedryf, waar ondersteuners van die MDC snags aangerand word.