Dit volg nadat die regering se jongste aanbod van 'n ses-komma-vyf persent salarisverhoging en 'n behuisingstoelaag van 630 rand in die vroeë oggendure deur die Vereniging van Staatsamptenare verwerp is.  Die minister van die Staatsdiens en Administrasie, Richard Baloyi, sê die jongste aanbod is reeds meer as wat die begroting toelaat. Volgens hom sal 'n verhoogde salarisaanbod verreikende gevolge hê en kan dit veroorsaak dat 'n moratorium op bonusse of nuwe aanstellings in vakante poste geplaas word.