|
Unies vra regeringsbetrokkenheid |
|
|
|
|
Vrydag, 25 Junie 2010 |
Die drie vakbonde, Solidariteit, die nasionale mynwerkersunie en die metaalwerkersunie, het die regering versoek om in te gryp by die Eskom-loongeskil.
Hulle het vanoggend op 'n nuuskonferensie in Johannesburg gesê 'n staking is vir eers van die baan, maar hulle sal nie huiwer om te staak as 'n aanvaarbare oplossing nie gevind word nie. Die vakbonde sê hulle sal Dinsdag 'n besluit oor die moontlike staking aankondig nadat hulle met hul verteenwoordigers vergader het. Die vakbonde het Eskom weereens versoek om hulle eis van 'n nege persent verhoging en 'n maandelikse behuisingstoelaag van twee-duisend-500 rand te aanvaar.
|
