|
Pohamba en Banda praat in Windhoek |
|
|
|
|
Donderdag, 24 Junie 2010 |
|
President Hifikepunye Pohamba het 'n beroep op Namibië en Zambië se regerings gedoen om die beweging van goedere en mense oor die lande se grense te verbeter in die gees van streeks-ekonomiese integrasie.
Pohamba het dié versoek gerig tydens samesprekings met sy Zambiese eweknie, Rupiah Banda, wat op die oomblik in die land is vir 'n drie-dagse staatsbesoek.President Pohamba sê die Trans-Caprivi Hoofweg, die brug oor die Zambezi rivier, die Een-stop grenspos by Wanela en die Walvisbaai-Ndola-Lubumbashi-deurgang is voorbeelde van infrastruktuur-projekte wat ekonomiese groei en streeksintegrasie bevorder.Pohamba het bygevoeg dat samewerking ook moet voortgaan wat gesondheidsorg betref. Die president gebruik die voorbeeld van gesamentlike inentingsveldtogte en gedeelde benaderings in die stryd teen MIV/Vigs,
turberkulose en malaria. |
