Die Britse Eerste Minister, Gordon Brown, en wêreldleiers wat ‘n progressiewe leiersberaad naby Londen bywoon, het gevra dat die uitslae van Zimbabwe se presidentsverkiesing onverwyld gepubliseer moet word.

Hulle eis ook dat enige opvolg-verkiesing deur internasionale waarnemers gemonitor moet word.
Brown het op ‘n nuuskonferensie gesê ‘n aantal Afrikaleiers, insluitend Suid-Afrika se president Thabo Mbeki -- wat langs hom gestaan het -- steun die oproep vir internasionale waarnemers indien daar ‘n tweede ronde verkiesing is.