President Robert Mugabe het vir die eerste keer sedert die verkiesings Saterdag in die openbaar in Zimbabwe verskyn. Hy het op die plaaslike televisiekanaal verskyn saam met lede van die Afrika Unie se waarnemers missie in Harare.

Hy  het vriendelik voorgekom en geen verklaring uitgereik nie. Daar sal waarskynlik binne 48 uur besluit word of hy aan die herverkiesing binne drie weke teen Morgan Tsvangerai gaan deelneem. Daar was die afgelope tyd baie bespiegelings oor waar die Zimbabwe se staatshoof hom bevind.