|
Winnie sê onderhoud het nooit gebeur nie |
|
|
|
|
Vrydag, 12 Maart 2010 |
Winnie Madikizela-Mandela het ontken dat die joernalis Nadira Naipul 'n onderhoud met haar gevoer het vir die London Evening Standard.
In die artikel het sy Nelson Mandela, haar gewese man, skerp gekritiseer. Sy het, volgens die berig, gesê Mandela het swart mense in die steek gelaat en ingestem tot 'n swak ooreenkoms vir hulle, aangesien hulle ekonomies steeds aan die kortste ent trek. Madikizela-Mandela het glo ook gesê Suid-Afrika se eerste demokraties verkose president het geen beheer meer oor die ANC nie en dat hy net deur die Nelson Mandela-fonds gebruik word om geld in te samel. Sy het ook teen oud-president FW de Klerk en Emeritus aartsbiskop Desmond Tutu uitgevaar. Madikizela-Mandela sê in 'n verklaring sy het nie met Naipaul gepraat nie en derhalwe is dit nie vir haar nodig om te reageer op die inhoud van 'n
gefabriseerde onderhoud nie. |
