Sy het aan die media gesê daar is sommige belastingbetalers in Pretoria wat 'n bykomende struikelblok vir Tshwane is en dit is net die wit mense. Mokonyane sê daar word eksklusiewe liggame of verenigings vir wit mense gestig waarmee sy haar nie kan identifiseer nie, of hulle vra AfriForum om 'n aksie te begin. Sy sê dit lyk of daar inwoners in die stad is wat uit beginsel nie deur swart munisipaliteite gelei wil word nie. Die voorsitter van die Pretoria-belastingbetalersvereniging, Salie Vorster, sê die premier is duidelik oningelig. Hy sê daar word hoegenaamd geen dienstegeld deur die vereniging se lede teruggehou nie.