|
Nuwe hoof van SAL in die sop |
|
|
|
|
Dinsdag, 09 Maart 2010 |
Die nuwe uitvoerende hoof van die Suid-Afrikaanse Lugdiens, Siza Mzimela, is vandag voor stok gekry omdat sy nie voor die Parlementêre portefeuljekomitee vir Openbare Ondernemings verskyn het oor bewerings van pryssamespanning tussen lugdienste voor die Wêreldbeker-sokkertoernooi nie.
Mzimela het ’n interne regsverteenwoordiger van die SAL, Louisa Zondo, na die vergadering gestuur met ‘n boodskap dat die lugdiens nie die kwessie kan bespreek nie aangesien dit onderhewig is aan ’n ondersoek deur die Mededingingskommissie. Die voorsitter van die komitee, Vytjie Mentor, het gesê die SAL kan nie agter die sub judice-beginsel wegkruip nie en Mzimela gevra om oor ‘n week voor die komitee te verskyn. Sy het gesê die parlement is diep bekommerd oor die bewerings van samespanning.
|
