|
Winnie kritiseer Nelson Mandela |
|
|
|
|
Dinsdag, 09 Maart 2010 |
Winnie Madikizela-Mandela het Nelson Mandela skerp gekritiseer in ‘n onderhoud met die Britse koerant, die London Evening Standard.
Sy het gesê Mandela, haar voormalige man, het ingestem tot ‘n swak ooreenkoms vir swartmense, aangesien hulle ekonomies steeds aan die kortste ent trek. Sy sê die ekonomie is steeds hoofsaaklik wit. Madikizela-Mandela het gesê Suid-Afrika se eerste demokraties verkose president het geen beheer meer oor die ANC nie en dat hy net deur die Nelson Mandela-fonds gebruik word om geld in te samel. Sy het Mandela ook veroordeel omdat hy in 1993 die Nobelprys vir Vrede saam met FW de Klerk aanvaar het. Sy sê sy kan hom nie vergewe dat hy die prys saam met De Klerk, wat hom in die tronk geplaas het, gaan ontvang het nie.
|
