|
Arrestasies na sektariese geweld |
|
|
|
|
Maandag, 08 Maart 2010 |
‘n Regeringswoordvoerder in sentraal-Nigerië sê 95 mense is reeds in hegtenis geneem in verband met gister se sektariese geweld in drie dorpies naby die stad Jos waarin sowat 500 mense gedood is.
Die meeste van die slagoffers was vroue en kinders wat met kapmesse vermoor is. Die toestand was vandag kalm nadat die waarnemende president Goodluck Jonathan soldate na die gebied gestuur het. ‘n Woordvoerder van die Christelike liefdadigheids- Stefanos-stigting, Mark Lipdo, sê die inwoners van een van die dorpies, Zot, is feitlik almal uitgewis.
Ooggetuies sê mense wat probeer vlug het, is in vissersnette en diere-vangstrikke gevang en doodgemaak.
|
