Volgens mediaberigte gaan die tariewe van die staatsbeheerde ATNS, wat lugverkeer- en
navigasiedienste by Suid-Afrika se lughawens verskaf,  vanjaar met 43-persent styg. 'n Onafhanklike ekonomiese reguleerder het vroeër ook 'n konsep-prysverhoging vir die lughawensmaatskappy van Suid-Afrika uitgereik ingevolge waarvan die maatskappy sy tariewe vanjaar met sowat 60-persent sal verhoog.  Die uitvoerende hoof van die Lugdiensvereniging van Suid-Afrika, Chris Zweigenthal, sê die impak van die verhogings sal 'n gevoelige slag vir die lugvaartbedryf wees. Hy sê ATNS se tariewe gaan nou binne twee jaar met 50-persent styg, terwyl Acsa se landing- en parkeertariewe gaan verdubbel. Hy sê lugdienste en verbruikers sal dit nie kan bekostig nie.