Die klagte is aanhangig gemaak deur die Goue Leeus Rugby-unie wat beweer dat die Sharks nie die vereiste klaringsertifikate verkry het voordat hulle die twee spelers gekontrakteer het nie. Die unie beweer ook dat Ludik en Alberts nog onder kontrak by hom is. Die voormalige voorsitter van SARU se tugkomitee, Koos Basson, is as regsbeampte aangestel en sal die klagte môreoggend by SARU se kantore op Nuweland aanhoor.