|
Zimbabwe kan nie verhogings bekostig |
|
|
|
|
Dinsdag, 09 Februarie 2010 |
|
Zimbabwe se minister van die staatsdiens, Eliphas Mukonoweshuro, sê sy regering het nie geld om die salarisverhogings te betaal wat deur tien-duisende stakende staatsdienswerkers geëis word nie.
Hy sê daar is geen onwilligheid aan die kant van die regering nie en elkeen weet dat die salarisse van die werkers nie genoeg is vir hulle daaglikse basiese uitgawes nie. Amptenare eis dat die salarisse van die laags-betaalde werkers van 120 Amerikaanse dollar per maand tot 630 dollar verhoog word. Die regering het vroeër aangebied om die salarisse in Februarie tot 122 dollar te verhoog en in April tot 134 dollar. |
