Die adjunk-president van die Congress of the People (Cope), Mbhazima Shilowa, sê sy party gaan ‘n mosie van wantroue in president Jacob Zuma voorstel wanneer die Parlement dié week sy werksaamhede hervat.

Hy het op ‘n media-inligtingsvergadering gesê dit gaan nie daaroor om die president van die land te verneder nie.Dit gaan oor die gevolge van Zuma se gedrag op die land.Shilowa sê die fokus van die hele land is op Zuma weens sy onoordeelkundige optrede, terwyl die aandag eerder toegespits moes gewees het op kwessies soos werkloosheid, armoede en MIV/Vigs waarmee die gewone Suid-Afrikaners in die gesig gestaar word.