Die SAIRB sê in 'n verklaring Oos-Kaapse munisipaliteite het die hoogste moordsyfer van 54 moorde per 100-duisend mense en 'n armoede vlak van 62 persent. Munisipaliteite in Limpopo het ook 'n armoedevlak van 62-persent, maar hulle moordsyfer is die laagste. Wes-Kaapse munisipaliteite, wat 'n lae vlak van armoede van 27-komma-vyf persent het, het ook 'n hoë moordsyfer. In die ondersoek is ook bevind dat die munisipaliteite in Gauteng die grootste toegang tot basiese dienste het. In die Stad van Johannesburg het net vier persent van alle huishoudings nie toegang tot water nie, terwyl agt persent nie toegang tot elektrisiteit en vyf persent nie oor sanitasie beskik nie.