Die polisie het gister op heroïen met ‘n straatwaarde van twaalf miljoen rand  op ‘n passasiersvliegtuig van Iran op die OR Tambo internasionale lughawe by Johannesburg
afgekom.

Die dwelms, wat in ‘n swaar metaalkas versteek was, is met behulp van ‘n elektroniese skandeerder opgespoor.Die besending was vir ‘n Johannesburgse adres bestem maar die polisie het vasgestel dat daar nie so ‘n adres bestaan nie.In ‘n afsonderlike voorval by die lughawe  het die polisie op 130 kilogram Viagra  ter waarde van meer as elf miljoen rand afgekom.Die besending is op ‘n passasiersvliegtuig van Singapoer aangetref.Geen adres is op die besending aangebring nie wat beteken dat vrag-amptenare van Singapoer vir die versending verantwoordelik was.