Die Amerikaanse minister van buitelandse sake, Condoleezza Rice, sê Hillary Clinton wat as haar opvolger benoem is, sal geweldige energie, intellek en bekwaamheid aan die posisie toevoeg. Die aangewese Amerikaanse president, Barrack Obama, het op ‘n nuuskonferensie bevestig dat Clinton sy Demokratiese teenstander vir die Withuis sy keuse vir minister van buitelandse sake is. Hy het ook aangekondig dat Robert Gates as minister van verdediging sal aanbly, terwyl Susan Rice die Amerikaanse ambassadeur by die Verenigde Nasies sal wees. Sy was Obama se senior raadgewer oor buitelandse beleid tydens sy verkiesings-veldtog.