Agt Springbokke is in die beginspan van die sterbelaaide Barbarians wat môre in Londen teen Australië speel. Die span sal deur die Springbokkaptein, John Smit, aangevoer word. Die Springbokke is Smit, Percy Montgomery, Jean de Villiers, Bryan Habana, Francois Steyn, Fourie du Preez, Bakkies Botha en Schalk Burger. Die Westelike Provinsie se losvoorspeler, Nick Koster, is op die plaasvervangerbank. Die kaptein van die All Blacks, Richie McCaw, sal ook die eerste keer vir die Barbarians uitdraf.