Die Europese Unie se operasie teen seerowery aan die kus van Somalië sal op 8 Desember begin. Die Franse minister van verdediging, Herve Morin, sê vyf of ses oorlogskepe sal aanvanklik begin om die Golf van Aden te patrolleer. Hy sê verskeie lande, insluitend Frankryk, Duitsland, Griekeland, Nederland, Spanje, Portugal en Swede, asook Noorweë wat nie aan die EU behoort nie, sal aan die operasie deelneem. Die oorlogskepe sal handelskepe en vaartuie van die Wêreld-voedselprogram begelei, terwyl verkenningsvlugte ook met vloot-patrollievliegtuie uitgevoer sal word.