|
Dinsdag, 18 November 2008 |
|
Goeie nuus vir tradisionele rugbygeesdriftiges is dat die Springbok die amptelike embleem van die nasionale rugbyspan gaan bly, al word dit na die regterkant van die trui verskuif om plek te maak vir die Koningsprotea.
Die aankondiging is gemaak ná 'n vergadering in Kaapstad tussen die minister van sport, Makhenkesi Stofile en die president van SA Rugby, Oregan Hoskins. Stofile sê dit was nooit die regering se bedoeling om met die Springbok embleem weg te doen nie en dat al die sportliggame die Protea as nasionale sportembleem aanvaar het. Die minister het gesê SA Rugbysal 'n manier moet vind om die twee embleme saam te voeg. |
