Ernie Els is die eerste keer in 14 jaar nie meer een van die top tien spelers in die wêreld nie en het tot die elfde plek op die ranglys teruggesak. Dit ondanks die feit dat hy die naweek ‘n toernooi in Rabat in Marokko gewen het. Els is steeds die top Suid-Afrikaanse speler met Trevor Immelman wat in die 22ste plek is. Ander Suid-Afrikaners onder die top honderd is Rory Sabbatini (28ste), Tim Clark (41ste), Retief Goosen (43ste), Charl Schwartzel (64ste), James Kingston (68ste) en Hennie Otto (90ste).