Die Westelike Provinsie se losvoorspeler, Luke Watson, het die dienste van ’n top advokaat, Jeremy Gauntlett, bekom om hom in vandag se tugverhoor van die Suid Afrikaanse Rugbyunie te verteenwoordig. Watson is voor die tugkomitee gedaag oor uitlatings wat hy na bewering verlede maand by ‘n rugbyfees by die Universiteit van Kaapstad gemaak het. Hy het volgens berigte onder meer gesê hy moes hom daarvan weerhou om op die Springboktrui te braak nadat hy vir verlede jaar se toets teen Samoa in Johannesburg in die nasionale groep opgeneem is. Watson se verhoor is vanoggend by SA Rugby se kantore in Nuweland.