Hy het gisteraand aan die einde van die nasionale konvensie in Sandton gesê daar sal vandag ná insette van provinsiale verteenwoordigers op ‘n naam vir die party gekies word. ‘n Deklarasie is aan die einde van die konvensie aanvaar waarin die doelwitte van die beraad uiteengesit is.Mosies oor die hersiening van die kiesstelsel en ‘n bevestiging dat die Grondwet die oppergesag van die land sal bly, is ook deur die ongeveer
vyf-duisend afgevaardigdes aanvaar. Die konvensie wat vandag sou voortduur, is gisteraand afgesluit omdat die groot getal mense wat opgedaag het,huisvestingprobleme veroorsaak het.Die voormalige ANC-voorsitter en een van die sameroepers van die konvensie,Mosiuoa Lekota, het gisteraand gesê hy is nie teleurgesteld oor die afwesigheid van voormalige kabinetsministers nie.Vooraf is bespiegel dat verskeie kabinetslede van oud-president Thabo Mbeki,insluitende Geraldine Fraser-Moleketi en Ronnie Kasrils die geleentheid sou
bywoon.