Byna vier-miljoen buitelanders het Suid-Afrika in die eerste vyf maande van die jaar besoek. Die minister van Toerisme, Marthinus van Schalkwyk, het in Rustenburg gesê die getal buitelandse besoekers het van Januarie tot Mei met sewe-komma-ses persent gegroei. Hy sê in dié tydperk was daar 26-duisend méér besoekers uit die Verenigde State wat die getal besoekers uit Amerika en Kanada op meer as 160-duisend te staan gebring het. Dit verteenwoordig ‘n toename van 13-komma-ses persent teenoor dieselfde tydperk verlede jaar.