Die vereniging van voertuigvervaardigers, Naamsa, sê in ‘n verklaring die afwaartse neiging in die verkope van nuwe motors en ligte en medium handelsvoertuie die afgelope paar maande, is voortgesit.Sowat 40-duisend-400 nuwe voertuie is verlede maand van die hand gesit teenoor die ongeveer 58-duisend in die ooreenstemmende maand verlede jaar.
Die verkope van nuwe motors alleen het met 33 persent gedaal.Die verkope van swaar voertuie het met vier persent toegeneem tot net meer as twee-duisend.Naamsa sê net meer as 27-duisend nuwe voertuie is in Augustus uitgevoer.Dit is ‘n verbetering van byna 74 persent in vergelyking met ‘n jaar gelede.