|
Maandag, 01 September 2008 |
Die liggaam van 'n bejaarde man, die 87-jarige Hansie Herbst, wat blykbaar 'n selfmoordpakt met sy vrou aangegaan het, is vandag deur polisie in die Bon Accord-dam, noord van Pretoria, gevind.
Dit nadat die polisie die verkoolde liggaam van sy 78-jarige vrou, Bettie, Vrydagmiddag in die uitgebrande wrak van 'n Toyota Conquest in die bosse langs die dam gevind het. Polisiewoordvoerder Prince Mokhabela sê die man het vermoedelik 'n ooreenkoms met sy vrou aangegaan om hulle in dié motor te
vergas en te verbrand. Daar word vermoed dat Herbst die motor aan die brand gesteek het en homself daarna in die dam gaan verdrink het. |
