Die president van die Suid-Afrikaanse Rugby-unie, Oregan Hoskins, het koel gereageer op berigte dat die voormalige Springbok-afrigter, Jake White, graag direkteur van rugby in die land wil wees. White het gesê hy wil graag die Springbokke uit hulle krisis help red, maar
wil buite die kollig wees en wil ook nie sy ou pos as nasionale afrigter terughê nie. Hoskins sê daar bestaan nie so ‘n pos soos direkteur van rugby in die Suid-Afrikaanse opset nie en so-iets is ook glad nie met White bespreek nie. Hy sê Saru se presidentsraad sal môre na die moontlikheid van so ‘n pos kyk.