|
Mugabe het glo ander planne |
|
|
|
|
Woensdag, 27 Augustus 2008 |
|
Die staatsbeheerde Zimbabwiese koerant, die Herald, berig dat pres. Robert Mugabe, ‘n nuwe regering gaan vorm en daarmee effektief onderhandelings oor magsdeling met die opposisie Beweging vir Demokratiese Verandering- die MDC- sal beëindig.
Mugabe het die opmerking by ‘n staatsfunksie in Harare gemaak kort nadat hy tydens sy toespraak in die parlement deur MDC- parlementslede gekoggel is wat ‘n meerderheid in die parlement het.Mugabe wat hom tot dusver tot voortgesette samesprekings met die MDC verbind het, sal waarskynlik ministers uit sy ZANU PF party aanwys.Intussen word uit Harare berig dat die MDC-parlementslede wat gister tydens die parlementsopening in hegtenis geneem is, môre in die hof l op onder meer aanklagte wat wisssel van verkragting, poging tot moord en openbare geweld sal verskyn.Die Zimbabwiese polisie sê lasbriewe is vroeër vir die parlementslede se arrestasie uitgereik. Die MDC hou vol dat die aanklagte vals is en daarop gemik is om die publiek te frustreer. |
