Springbok-afrigter Peter de Villiers sal waarskynlik gedwing word om ’n paar veranderings in sy span aan te bring vir Saterdag se Drienasies-toets teen die Wallabies in Johannesburg. Vyf van die spelers, Victor Matfield, Tendai Mtwarira, Butch James, Frans Steyn en JP Pietersen, sit met beserings ná Saterdag se verloortoets teen Australië. Die erns van hulle beserings sal vandag bekend gemaak word. Intussen kan die stut, CJ van der Linde, dalk vandag geskors word indien hy skuldig bevind word op ‘n klag van vuilspel. Hy is ná die toets uitgewys vir ‘n beweerde kopstamp.