Krieket Suid-Afrika het aangekondig dat hy weens veiligheidsredes nie sy nasionale span na die Internasionale Krieketraad se Kampioenetrofee in September in Pakistan gaan stuur nie.

Dit nadat KSA se volle raad vanoggend ‘n lang vergadering met die IKR se taakspan onder leiding van die uitvoerende hoof, Haroon Lorgat, in Johannesburg gehad het. Die uitvoerende hoof van die Suid-Afrikaanse krieketspelersvereniging, Tony Irish, sê dit was ‘n moeilike besluit, maar die regte een.Hy sê daar is niks belangriker as die veiligheid van die Suid-Afrikaanse span nie.Irish sê hulle het waardering vir die IKR se taakspan, die Pakistanse krieketraad, die Pakistanse owerhede en die veiligheidskonsultante.