Suid-Afrika sal vandag sonder die dienste van die veelsydige Albie Morkel moet klaarkom in die eerste van vyf eendagwedstryde teen Engeland op Headingley in Leeds. Hy sukkel met ‘n skouerbesering en volgens die kaptein, Graeme Smith, sal daar die naweek ‘n besluit geneem word oor sy deelname in die oorblywende wedstryde. Morkel se onttrekking beteken dat Vernon Philander waarskynlik in sy eerste eendagwedstryd in 12 maande sal speel. Suid-Afrika het die afgelope 12 maande net drie wedstryde – twee teen Pakistan en een teen Nieu-Seeland – verloor, terwyl hy 16 oorwinnings teen Zimbabwe, Pakistan, Nieu-Seeland, die Wes-Indies en Bangladesj behaal het.