Pres. Thabo Mbeki het gisteroggend tydens die opening van die leiersberaad die moontlikheid geopper dat ‘n ooreenkoms voor die einde van die beraad tussen die strydende partye in Zimbabwe bereik kan word oor die vorming van ‘n regering van nasionale eenheid. Mbeki wat die hoofbemiddelaar in die Zimbabwiese krisis is, het die naweek afsonderlike samesprekings met pres. Robert Mugabe, die MDC-leier Morgan Tsvangirai en die leier van die MDC faksie, Arthur  Mutambura gevoer om haakplekke in hul onderhandelings uit die weg te ruim.